ЗША і Кітай дамовіліся знізіць тарыфы на 90 дзён

Тарыфы ЗША на кітайскі імпарт былі зменшаны са 145% да 30%, тарыфы Кітая на амерыканскія тавары — са 125% да 10%, паводле сумеснай заявы.

Двухдзённыя закрытыя перамовы праходзілі ў Жэневе з удзелам міністра фінансаў ЗША Скотта Бесента, гандлёвага прадстаўніка ЗША Джэймісона Грыра і віцэ-прэм’ера Кітая Хэ Ліфэна.

Акрамя зніжэння тарыфаў, абодва бакі створыць механізм для далейшага абмеркавання эканамічных і гандлёвых пытанняў, якія могуць праходзіць па чарзе ў Кітаі, ЗША або ў трэцяй краіне.

Пагадненне выклікала рост на рынках: індэкс Hang Seng у Ганконгу вырас больш чым на 3%, амерыканскія акцыі падскочылі (Dow Jones +2%, S&P 500 +2,6%), а еўрапейскія і азіяцкія рынкі таксама паказалі рост.

Гандлёвая вайна, якая спыніла двухбаковы гандаль на суму каля $600 мільярдаў, выклікала асцярогі стагфляцыі і глабальнай рэцэсіі. «Гэта пагадненне выратуе малы і сярэдні бізнес па абодва бакі Ціхага акіяна», — адзначыў эканаміст з Пекіна Цяньчэнь Сюй, прадстаўнік Economist Intelligence Unit.

Пагадненне адбылося пасля павышэння тарыфаў з боку Трампа ў студзені, які заявіў пра скарачэнне гандлёвага дэфіцыту ЗША і барацьбу з уцёкамі фентанілу. У адказ Кітай увёў абмежаванні на экспарт рэдказямельных элементаў і іншых тавараў. Кіраўнік Белага дома ўсталяваў мыта на кітайскія тавары ў памеры 145%, Пекін жа ўвёў тарыф 125%.