ЗША дазволяць Samsung і TSMC пакінуць заводы для вытворчасці перадавых чыпаў у Кітаі

Абмежаванні не распаўсюджваюцца на вытворцаў з Паўднёвай Карэі і Тайваня, заводы якіх размешчаныя на тэрыторыі Кітая. Крыніцы The Wall Street Journal сцвярджаюць, што адміністрацыя Джо Байдэна плануе пакінуць у сіле гэта выключэнне, і вытворцы змогуць працягнуць выпуск прадукцыі на кітайскіх заводах.

Гаворка вядзецца ў першую чаргу пра Samsung Electronics і Taiwan Semiconductor Manufacturing Company. Першапачаткова меркавалася, што выключэнні перастануць дзейнічаць у кастрычніку гэтага года, але пакуль яны застануцца ў сіле на нявызначаны тэрмін. Аналітыкі адзначаюць, што такім чынам ЗША прызнаюць, што дамагчыся поўнай ізаляцыі Кітая ад паставак высокатэхналагічнага абсталявання складана.

У адказ кампаніі выказваюць незадаволенасць, што амерыканскія ўлады так глыбока ўмешваюцца ў іх міжнародны гандаль. Раней ЗША імкнуліся не дапусціць паставак у Кітай перадавых мікрасхем і абсталявання для іх вытворчасці, абмяжоўваючы экспарт нават для вытворцаў з іншых краін, напрыклад, Японіі і Нідэрландаў.