ЗША вярнуліся да сеткавага нейтралітэту

Новыя правілы ў значнай ступені паўтараюць тыя, што былі прынятыя ведамствам у 2015 годзе і скасаваныя ў 2017 годзе па ўказе прэзідэнта Дональда Трампа. Цяпер FCC перагледзела вызначэнне інтэрнэт-паслуг, што пашырыла паўнамоцтвы камісіі ў дачыненні да галіны шырокапалоснага інтэрнэту. Ведамства мае намер скасоўваць рашэнні штатаў і мясцовых уладаў, калі яны будуць супярэчыць правілу сеткавага нейтралітэту.

Таксама FCC атрымала дадатковыя паўнамоцтвы ў пытаннях, што тычацца спам-ботаў, збояў у працы інтэрнэту, лічбавай прыватнасці і развіцця шырокапалоснага доступу ў інтэрнэт. Правайдарам забаранілі прадаваць персанальныя даныя амерыканцаў або дзяліцца імі для навучання АІ-сістэм.

Вяртанне прынцыпу сеткавага нейтралітэту можа справакаваць пазовы ўдзельнікаў рынку. Праваабаронцы паказваюць, што скасаванне прынцыпу падштурхне правайдараў спаганяць з спажыўцоў дадатковую плату за магчымасць хуткага падключэння. Прадстаўнікі галіны настойваюць, што такой рызыкі няма, паколькі гэта выклікала б незадаволенасць спажыўцоў і яны ў часе скасавання забароны такім не займаліся.