Starbucks аб'явіў вайну аддаленым працаўнікам у Паўднёвай Карэі — некаторыя цягнуць у кафэ прынтары і перагародкі

У кропках Starbucks у краіне развешаны аб’явы з просьбай не прыносіць з сабой грувасткія рабочыя дэвайсы, уключаючы ноўтбукі, прынтары, падаўжальнікі і настольныя перагародкі. Таксама наведвальнікаў просяць забіраць свае рэчы, калі яны надоўга сыходзяць са сваіх месцаў, каб іншыя людзі маглі сесці за столікі, разлічаныя на некалькіх.

У Starbucks Korea журналістам Business Insider сказалі, што змянілі правілы для кліентаў, каб усім гасцям устаноў сеткі было добра. Там патлумачылі, што не супраць ноўтбукаў і невялікіх персанальных прылад, але вось дэсктопам, прынтарам і іншым канструкцыям, якія займаюць месца і перашкаджаюць людзям есці, зусім не рады. Але дадалі, што ў новых правілах знятыя абмежаванні па колькасці часу, які наведвальнікі могуць праводзіць у кавярні.

Раней у мясцовых сацсетках з’явіліся пасты з фотаздымкамі з устаноў Starbucks, на якіх наведвальнікі расставілі складныя перагародкі вакол сваіх працоўных зон, блакуючы прастору для астатніх. Гэта стала часткай больш маштабнага трэнду ў Паўднёвай Карэі, калі людзі прызямляюцца ў кавярнях на працяглы час, каб вучыцца і працаваць. У сталічным Сеуле ён узмацняецца тым, што там вельмі шмат кавярняў на кожным рагу.

Пакуль у Паўднёвай Карэі людзі ходзяць у кавярні, каб працаваць, у Кітаі распаўсюджваецца адваротны трэнд: людзі прыходзяць у офіс, каб сімуляваць працу — дакладней, каб схаваць ад блізкіх, што яе няма.

У Кітаі квітнее новы бізнес: людзі ходзяць у офісы, каб удаваць, што працуюць

Па тэме

У Кітаі квітнее новы бізнес: людзі ходзяць у офісы, каб удаваць, што працуюць

«Проста» добра працаваць ўжо недастаткова, трэба «выдатна» — так Uber тлумачыць абавязковае вяртанне ў офіс

Па тэме

«Проста» добра працаваць ўжо недастаткова, трэба «выдатна» — так Uber тлумачыць абавязковае вяртанне ў офіс