Фінтэх-стартап Block у аўторак скараціў 931 супрацоўніка — гэта каля 8% штату, піша TechCrunch. Стартап стварыў сузаснавальнік X (Twitter) Джэк Дорсі, які таксама займае тут пасаду генеральнага дырэктара.
Фінтэх-стартап Block у аўторак скараціў 931 супрацоўніка — гэта каля 8% штату, піша TechCrunch. Стартап стварыў сузаснавальнік X (Twitter) Джэк Дорсі, які таксама займае тут пасаду генеральнага дырэктара.
Дорсі паведаміў навіну супрацоўнікам у e-mail-рассылцы. Ён адзначыў, што ў Block адбудуцца арганізацыйныя змены, у межах якіх будуць ліквідаваны некаторыя пазіцыі.
391 чалавек звольнены па «стратэгічных» прычынах. Яшчэ 460 класіфікаваныя як нізкапрадуктыўныя. Астатнія 80 — менеджары, якіх Block скарачае для спрашчэння арганізацыйнай структуры.
Акрамя гэтага, 193 менеджары пераведзеныя ў статус «individual contributor» і больш не будуць мець падначаленых. Таксама стартап закрые 748 вакансій, за выключэннем тых, па якіх ужо зроблены офер, крытычна важных пазіцый у аперацыйнай дзейнасці і ключавых кіруючых пасад.
Дорсі падкрэсліў, што звальненні не звязаныя з фінансавымі праблемамі або заменай супрацоўнікаў на ШІ, а адбываюцца з-за змены стратэгічных патрэбаў і імкнення «падняць планку» эфектыўнасці.
Папярэднія масавыя скарачэнні ў Block адбыліся ў студзені 2024 года. Тады стартап таксама звольніў 10% супрацоўнікаў, пасля чаго ў штаце засталося каля 12 тысяч чалавек. Па стане на снежань 2024 года тут працавала 11,3 тысячы чалавек.
Block аказвае паслугі па апрацоўцы мабільных плацяжоў, а таксама пастаўляе касавыя тэрміналы і спадарожнае праграмнае забеспячэнне для кампаній. Яму належаць сэрвісы Cash App і Square.
Рэлацыраваліся? Цяпер вы можаце каментаваць без верыфікацыі акаўнта.