Супрацоўнік перавёў ашуканцам $25 млн пасля відэазванка з дыпфэйкамі калег

У студзені адзін з супрацоўнікаў фінансавага аддзела кампаніі атрымаў паведамленне нібыта ад яе фіндырэктара, які базуецца ў Вялікабрытаніі. Пасля гэтага адбыўся сазвон з «фіндырэктарам» і іншымі супрацоўнікамі кампаніі. Усе яны былі несапраўднымі, хоць выглядалі і гучалі вельмі праўдападобна. Ім удалося пераканаць супрацоўніка пералічыць сабе 200 млн ганконскіх долараў ($25,6 млн). Ён правёў 15 пераводаў на пяць банкаўскіх рахункаў у Ганконгу.

У кампаніі западозрылі нядобрае толькі праз тыдзень пасля таго, як супрацоўнік трапіўся на кручок, калі ён звязаўся са штаб-кватэрай.

Цяпер вядзецца расследаванне, затрыманых пакуль няма. Назвы кампаніі і імя ахвяры паліцыя не раскрывае. Вядома, што аўдыя- і відэазапісы для стварэння дыпфэйкаў удзельнікаў мітынгу ашуканцы бралі ў адкрытым доступе. На сазвоне скамеры папрасілі супрацоўніка назвацца, але не ўзаемадзейнічалі з ім і ў асноўным раздавалі загады. А потым сустрэча раптам завяршылася.