Цяпер Gemini робіць прэзентацыі сама — па тэксце або загружаным файле

Інструмент Canvas дазваляе сфарміраваць слайды з тэмай, структурай і выявамі, а затым экспартаваць іх у Google Slides. Дастаткова ўвесці тэму прэзентацыі або загрузіць дакумент, з якога Gemini здабудзе асноўныя тэзісы і аформіць іх у выглядзе слайдаў.

Canvas падзяляе экран на дзве часткі: у адной карыстальнік уводзіць інструкцыі, у другой бачыць, як змяняецца вынік у рэальным часе. Гатовую прэзентацыю можна экспартаваць у Slides, спампаваць як PDF або падзяліцца спасылкай на праект. Функцыя ўжо даступная карыстальнікам Gemini Pro і з’явіцца ў бясплатных акаўнтах у бліжэйшыя тыдні.

Журналісты, якія пратэсціравалі функцыю, адзначаюць, што Gemini нядрэнна спраўляецца з візуальнай часткай і ўмее структураваць матэрыял, але часам няправільна інтэрпрэтуе запыты або не прытрымліваецца стылю афармлення.