Tesla згортвае вытворчыя планы ў Германіі
Tesla збіралася цалкам вырабляць акумулятары на заводзе пад Берлінам, але адмовілася ад ідэі. Замест гэтага вытворчасць часткова будзе ажыццяўляцца ў ЗША, дзе спрыяльнейшы падатковы рэжым, піша Reuters са спасылкай на міністэрства эканомікі зямлі Брандэнбург.
Першапачаткова амерыканская кампанія планавала цалкам выпускаць батарэі на заводзе ў Грунхайдзе магутнасцю большай за 50 ГВт·г на год. Аднак у ЗША для вытворцаў электрамабіляў, якія закупляюць батарэі ўнутры краіны, прадугледжаныя субсідыі, таму Tesla вырашыла змяніць курс.
Нямецкія ўлады адзначылі, што Tesla запусціла вытворчасць акумулятарных сістэм у Грунхайдзе і рыхтуецца да вытворчасці кампанентаў для акумулятарных ячэек. Але наступныя этапы вытворчасці будуць адбывацца ў ЗША, паколькі мясцовыя падатковыя льготы забяспечваюць выгаднейшыя ўмовы для вядзення бізнэсу.
Пры канцы студзеня Tesla абвясціла, што ўкладзе больш за $3,6 млрд у пашырэнне гігафабрыкі ў Невадзе — плануецца разгарнуць дзве новыя вытворчасці для электрагрузавіка Semi і літыевых акумулятараў тыпу 4680.
Читать на dev.by