«На сазвонах трэба было мышкай кіраваць». Як трэкер звольніў айцішніцу (і яшчэ крыху дзічыны)
Крысціна* папрацавала выдалена QA ў кампаніі, дзе трэкалася «прыкладна ўсё». На падставе дадзеных трэкераў яе і звольнілі.
Крысціна* папрацавала выдалена QA ў кампаніі, дзе трэкалася «прыкладна ўсё». На падставе дадзеных трэкераў яе і звольнілі.
«Многія супрацоўнікі пра трэкінг нават не ведалі»
Спецыялістка працавала ў прадуктовай «амерыканскай кампаніі з расейскасмоўнымі заснавальнікамі»:
— На працоўным ноўце ў гэтай кампаніі трэклася прыкладна ўсё. Потым яны гэтую статыстыку ў сябе крыва і коса збіралі, і калі ты па нейкіх параметрах не выконваў KPI, то трапляў у нейкія справаздачы для кіраўніцтва.
Пры гэтым пра трэкінг у кампаніі адкрыта ніхто не казаў — многія супрацоўнікі пра гэта нават не ведалі.
Сама я даведалася пра трэкінг ад кіраўніка, калі ён на другім тыдні працы сказаў нешта накшталт: «Не забывай трымаць комп уключаным мінімум шэсць гадзін на дзень, а то ў справаздачу трапіш». Першапачаткова, як я разумею, трэкер рабілі для танных рабочых рук з Афрыкі і Індыі, каб выціскаць кожную секунду і ставіць адпаведныя KPI. Аднак потым гэтая практыка разраслася на ўсе аддзелы.
У водгуках пра працадаўцу я інфармацыю пра трэкеры не бачыла, аднак нехта з калег сцвярджаў, што такая інфармацыя ўсё ж дзесь прасочвалася.
Першапачаткова я не надавала вялікага значэння таму, што мой працоўны камп’ютар «сочыць» за мной. Кожны чых і ўсталёўку патрэбнага софту трэба было праводзіць праз сапорт, які падключаўся выдалена, але ў астатнім усё больш-менш. Потым, пасля першага месяца выпрабавальнага тэрміну, двое маіх кіраўнікоў хацелі закрыць мне выпрабаванне. Аднак я трапіла ў нейкую справаздачу да кіраўніцтва і мяне ўзялі «на аловак». Згодна з гэтай справаздачай у адзін з дзён я працавала менш за дзве гадзіны — хоць у той дзень я толькі на сазвонах была мінімум тры-чатыры гадзіны. Магчыма, тут мне пашанцавала: паводле калег, калі ты трапіў у такую справаздачу, табе звычайна нават не кажуць пра гэта, а адразу звальняюць.
Пасля гэтага на рабочыя камп’ютары паставілі зверху яшчэ і Hubstaff. Праўда, такім чынам, каб ён скрыны не рабіў. За месяц працы з Hubstaff у мяне не было праблем, калі не лічыць таго, што ўвесь гэты софт перыядычна глючыў.
Напрыклад, праграма вельмі дрэнна трэкала, калі ты сядзіш на сазвонах. Трэба было пастаянна мышкай вадзіць, каб гэты час залічваўся як рабочы — ведаю ад аднаго калегі, што так гэта працавала не толькі ў мяне.
У рэшце рэшт усё гэта пачало заўважна напружваць. З аднаго боку, усё больш хацелася забіць на працу з такімі адносінамі. З другога боку, выдатна разумела, што на рынку трындзец.
Маім калегам, якія ведалі пра гэтыя трэкеры, уся гэтая сітуацыя таксама не падабалася. Да людзей ставіліся як да нейкіх робатаў, якія павінны закрываць KPI па вельмі дзіўных паказчыках — колькі і ў якім софце трэба сядзець, каб лічыцца «эфектыўным». Пры гэтым ніхто толкам нават не ведаў паказчыкаў гэтай самай эфектыўнасці, канкрэтных лічбаў.
У адзін цудоўны дзень кампанія нейкім чынам падлічыла, хто эфектыўны, а хто не. І на аснове гэтых разлікаў правяла вельмі непрыгожае звальненне.
Кіраўніцтва склікала агульны мітынг, і на ім зачытваліся імёны. Калі цябе называлі, ты павінен быў выйсці з міта, табе блакавалі ноўт, а затым з табой звязваўся эйчар. І ўсім гэтым кіраваў чалавек, пасада якога гучала нешта накшталт «AI-менеджар чагось там» — які, па сутнасці, працаваў на кансалтынгу, а асноўным ягоным месцам працы быў адзін вельмі папулярны еўрапейскі банк.
Я ў гэтую хвалю не трапіла, але пазней, месяцы праз паўтара, мяне таксама звольнілі праз падобныя лічбы ў справаздачах. Пад прэтэкстам таго, што я адкрывала TestRail на 10 хвілін на дзень, тады як калегі больш за гадзіну ў ім сядзяць.
«Крытычны рэдфлаг»
Пасля ўсяго гэтага вопыту сачэнне за супрацоўнікамі з дапамогай праграм-трэкераў ды іншых падобных прыкладанняў для мяне — гэта крытычны рэдфлаг. Пагаджуся на такое толькі калі грошай на ежу і падаткі не будзе хапаць.
Дарэчы, рэгулярна чую падобныя гісторыі і ад знаёмых. Звычайна пра такія рэчы расказваюць супрацоўнікі замежных кампаній — у вялікай ступені расейскамоўных, з расейскамоўнымі заснавальнікамі. І расказваюць пра такія практыкі:
- трэкінг мышкі і манітора;
- сазвон на працягу дня, на які ты павінен падключацца, сядзець там увесь дзень і шарыць экран.
Яшчэ ёсць практыка ставіць MDM на асабістыя ноўты. Гэта таксама рэдфлаг, таму што потым даводзіцца ўсё нанова ставіць. Стараюся з такімі працадаўцамі не сутыкацца.
Дадам, што я працавала ў найме прыкладна ў пяці-шасці кампаніях. І яшчэ прыкладна для столькіх жа як b2b — сярод заказчыкаў былі як вялікія замежныя, так і расейскамоўныя. Так што ёсць з чым параўноўваць.
І лепшыя месцы, на якіх мне даводзілася працаваць, былі менавіта без трэкераў. Максімум — трэкалі для заказчыка час у джыры. За кошт даверу, адкрытасці і празрыстасці самыя лепшыя працоўныя вынікі ў мяне былі менавіта там, а не ў месцах, дзе трэкалі, колькі часу я правяла ў тэстрэйле.
Усюды, дзе быў трэкінг — гэта была нейкая недальнабачная праца, спроба выціснуць з цябе ўсё. Да нейкай ступені гэта працуе. Але мы ж разумеем, што тыя самыя менеджары, якія збіраюць і праглядаюць гэтыя справаздачы, не трэкаюць тое, дзе і колькі сядзяць яны самі. І не ацэньваюць сваю ўласную эфектыўнасць такім чынам.
Для сябе я прыняла імкненне ўсё трэкаць як асаблівасць складу розуму некаторых катэгорый людзей. З якімі мне, як правіла, некамфортна працаваць.
Адразу не. Або не адразу? «Пагаджуся на трэкер за +500 да оферу»
Спыталі пра падобны вопыт у экс-супрацоўнікаў адной з беларускіх кампаній, якая актыўна практыкавала трэкінг, а мы пра гэта пісалі. Нашы спікеры мелі справу з трэкерамі ў 2021–2022 гадах, і з таго часу для іх гэта рэдфлаг — але з агаворкамі.
Дзяніс*:
— Нам пастаянна казалі, што калі будзе тры аднолькавых скрыны запар, то гэты час не будзе ўлічвацца як рабочы. Былі дзяўчаты, якія займаліся праглядам гэтых скрыншотаў і якія пісалі справаздачы па іх.
Чуў, што з гэтай сістэмай былі праблемы: серверы часта падалі.
Яшчэ чуў, што ўзнікалі канфлікты: камусь сапраўды не аплачвалі такі «спрэчны» час.
Вядома, працаваць ва ўмовах такога кантролю было некамфортна — не было магчымасці сканцэнтравацца на задачы. Такое сачэнне стала адной з прычын, з якіх я звольніўся. Надалей, калі я чуў на суразмоўі, што ў кампаніі ёсць трэкеры, у мяне адразу знікала жаданне ісці туды. Таму больш у маёй кар’еры такога не было.
Калі я буду зноў шукаць працу і ў мяне будуць прапановы ад дзвюх кампаній з прыкладна аднолькавымі заробкамі, я выберу кампанію без трэкера. Калі розніца будзе больш за $500 — напэўна, пайшоў бы і на трэкер. Але гэта, вядома, цяпер у мяне такія думкі. Калі б праца была патрэбна тэрмінова, пайшоў бы і не зважаючы на такія ўмовы.
Георгій*:
— Мы павінны былі не проста трэкаць час, патрачаны на задачы. Але і апісваць практычна ўвесь той час, пакуль рабочы камп’ютар быў уключаны. У ідэале патрабавалася адзначаць усе перыяды AFK. Але я, як і ўсе астатнія хлопцы, адзначаў толькі гадзіну на абед.
Супрацоўнікі, якія ўжо нейкі час працавалі ў кампаніі, расказвалі, што праблемы маглі ўзнікнуць, калі на экране доўгі час нічога не змянялася і не было відаць прыкмет працы. Аднак нас з гэтай нагоды не чапалі — напэўна, таму, што мы былі стажорамі.
У цэлым гэты софт тады мяне не асабліва непакоіў. Гэта быў мой першы вопыт працы ў ІТ-кампаніі, і мне папросту не было з чым параўноўваць.
Часткова такая практыка, напэўна, паўплывала на тое, што ў мяне даволі хутка знікла жаданне заставацца ў кампаніі. Але гэта была далёка не адзіная прычына. Да таго ж мая стажыроўка прыйшлася на вельмі непрадказальны для рынку перыяд. Тады нават хадзілі размовы, што праграму стажыроўкі могуць цалкам звярнуць, а нас распусціць. У выніку нам прапанавалі, па жаданні, пакінуць у іх працоўныя кніжкі — магчыма, пазней для нас знайшліся б праекты. Наколькі я памятаю, на гэта пагадзілася толькі пара чалавек. А ў выніку з кампаніяй працягнуў супрацоўніцтва толькі адзін з нашай групы.
Цяпер я стаўлюся да такіх практык адназначна негатыўна. Мой цяперашні працадаўца ніяк не кантралюе мой час ці інтэнсіўнасць працы — і вялікі дзякуй яму за гэта.
Пры гэтым я разумею, што рынак цяпер мяне не балуе. Калі б я быў вымушаны шукаць працу, я хутчэй за ўсё пагадзіўся б і на працу з трэкерамі. Папросту таму, што сам факт наяўнасці працы важнейшы. У гэтым плане я, напэўна, дастаткова прыземлены чалавек.
* — імя апавядальніцы або апавядальніка зменена
Нельга ў афлайн на >5 хвілін. ІТ-кампанія ўвяла жорсткую выдаленку з трэкерам
Нельга ў афлайн на >5 хвілін. ІТ-кампанія ўвяла жорсткую выдаленку з трэкерам
Релоцировались? Теперь вы можете комментировать без верификации аккаунта.
Marynarz musi nieustannie wiosłować, w przeciwnym razie zostanie wychłostany, wyrzucony za burtę lub powieszony.
Пше-пше-пше, пше-пше.
Pyosel na stol, domow do Buda-Koshelevs
от простого трекинга мыши давно есть usbишки, которые имитируют небольшие мышедвижения (или как настроишь). Удобно еще и что препятствуют сваливанию компа в спячку. А так, конечно, конторы с таким подходом идут лесом.
Ребят, кто с таким сталкивается, тут хорошая мысль есть в тексте "...недальновидная работа, попытка выжать из тебя всё". Повышайте квалификацию и переходите на работу, где трекеры бесполезны просто по причине сложности работы. Как-то слышал такое мнение: в низкооплачиваемой работе конкуренция самая высокая - там работников не жалеют, всегда есть кем заменить. Понимаю, что сложно и очень сложно, но потом когда начинают хантить с других компаний - понимаешь, что начинаешь сам диктовать условия, возвращается спокойствие и уверенность в жизни.
Спасибо, кмк, правильный совет. Как-то дрвелось работать в команде, где втихаря на рабочих компах делали скриншотики. Когда обнаружил это шпионство, поговорил на эту тему с лидом. Очень неприятный вышел опыт: разговариваем, он всё отрицает, я знаю, что он врёт, он знает, что я знаю, что он врёт, но всё равно врёт и при этом просит/требует не говоритть об обнаруженном "шпионе", которого, по его словам, как бы и нет, коллегам.
Ну их нафиг.
Пользователь отредактировал комментарий 11 августа 2026, 19:21
Бизнес как обычно на своей волне. Лучше бизнес, который смотрит на результат, а не на просидивание штанов и двиганье мышкой)
Как будто в ИТ зашёл бизнес из заводов.
А что ИТ бизнес может показать кроме трекинга? Бодишопы и человекочасы торгуют имено эти товаром.
Когда ничего не умеешь, кроме кликов мышкой, то, да, пойдешь на любые условия. Да лучше грузчиком в магаз, чем так унижаться. Куча есть вариантов заработать на "выживание".
Трекеры активности не считают созвоны, чтение документации и т.д. В среднем если вы работаете 8 часовой день не вставая из-за компа, то 2 часа вам стандартно они не засчитают, если вы не будете как в статье дергать мышкой.
Пользователь отредактировал комментарий 12 августа 2026, 11:20
[Я уже и забыл,что значит "работать без траста" (т.е. "тебе не доверяют",т.к. "ты ничего не делаешь/не решаешь вопросы",а у тебя per a hour -> столько ты $) => "какие трэкеры/вы еб...сь?"]
Но выскажусь немного в защиту "трэкеров и HubStaff". Просто когда-то сам для себя ставил именно HubStaff. Для эксперимента,достаточно длительного. А ля "а сколько я реально работаю в день?". Да, я знаю,что такое "150 раз в день вкл/выкл HubStaff". И реальность меня очень удивила. Так что я не особо удивлюсь, если кому-то "заезжает 1К $ сверху чисто за чтение dev[.]by и просмотр шортсов, параллельно переписки с кентом в Телеге".. (тут много букв + естественно, "все - работники года") => да,понять бизнес можно, зачем ему трекер экранов со скринами и шевелением мышек.
Но это я только про себя. Меня когда-то HubStaff очень сильно дисциплинировал (под коркой осталось это), хотя я считал (и считаю))) - очень отвественным и т.д. Но вот "временная математика" немного подправило восприятие.
А что сейчас творится с трекерами,когда мы все "с Клодом" - вообще без понятия как их воспринимать. (Для меня) всё процессы сломаны абсолютно,чтобы "были годами".