Гендыректар X пайшла ў адстаўку

Якарына справілася з задачай, якую два гады таму паставіў перад ёй Ілан Маск — выправіць бядотнае становішча рэкламнага бізнесу платформы. Рэкламадаўцы пачалі разбягацца пасля таго, як мільярдэр купіў яе ў канцы 2022 года. Ён моцна сапсаваў адносіны з кліентамі, у якіх прапала жаданне прасоўвацца тут з-за яго рэзкіх выказванняў, часам прамым тэкстам пасылаючы іх нашмат далей, чым да д’ябла. Ужо к пачатку 2023-га ад платформы адмовілася больш за 500 рэкламадаўцаў, а рэкламная выручка за 4 квартал упала на 35%.

Мяркуючы па дадзеных Guideline, у 1 паўгоддзі выдаткі на рэкламу на Х у ЗША выраслі на 62% год да году. Таксама Якарына раней казала, што станам на май на Х вярнулася 96% рэкламадаўцаў.

Яе адстаўка можа дрэнна адбіцца на справах сацсеткі, таму што іншыя крыніцы даходу, напрыклад падпіска, пакуль прыносяць ёй нямнога, а іншыя сэрвісы накшталт плацежнага X Money яшчэ не запушчаныя.

Якарына прыйшла ў Х у чэрвені 2023 года. Перад гэтым яна каля 12 гадоў кіравала глабальным напрамкам рэкламы і партнёрстваў NBCUniversal. Прычыну адстаўкі яна не назвала. Хто будзе яе пераемнікам, таксама пакуль не вядома.