Twitter назбіраў мільёны долараў неаплачаных рахункаў і дзясятак пазоваў

Пасля куплі Twitter Іланам Маскам у мінулым кастрычніку з кампаніяй сталі судзіцца пастаўшчыкі паслуг, арэндадаўцы і кансультанты. Напрыклад, маркетынгавай кампаніі Canary сацсетка вінная больш за $390 тысяч, а ўладальніку офісаў у Сан-Францыска — па $3,4 млн за снежань і студзень.

Адзін з 9 пазоваў быў адкліканы, справа была закрытая ў пятніцу.

Маск спрабуе рознымі спосабамі знізіць выдаткі Twitter. Адразу пасля прыходу ён звольніў палову штату сацсеткі, урэзаў плюшкі, напрыклад, бясплатныя абеды, і стаў распрадаваць з аўкцыёну маёмасць кампаніі. На пачатку лютага ён заявіў, што апошнія тры месяцы былі для яго «надзвычай складанымі», бо ён «ратаваў Twitter ад банкруцтва».