Twitter зноў дазволіў чытаць твіты без абавязковай аўтэнтыфікацыі

Раней уладальнік сацсеткі Ілан Маск заявіў, што кампанія ўводзіць меру як часовую, для прадухілення збору даных чужымі кампаніямі з мэтай навучання АІ-мадэляў або маніпуляцый грамадскай думкай. «Гэта была часовая экстранная мера. Нашыя даныя кралі так інтэнсіўна, што гэта адбілася на якасці сэрвісу для шараговых карыстальнікаў пляцоўкі», — пісаў ён.

Аднак сацсетка не рабіла афіцыйных заяў перад тым, як дазволіла перадпрагляд спасылак без аўтэнтыфікацыі. Таксама незразумела, якія меры былі прынятыя, каб спыніць збор даных іншымі сэрвісамі. Пры гэтым праз дзень Meta запусціла канкурэнта Twitter — сацсетку Threads.