Аддзел навін 22 лістапада 2022, 12:30

У Twitter засталася толькі траціна супрацоўнікаў. А інжынераў абавязалі штотыдзень даваць справаздачу перад Маскам аб праведзенай працы

Ілан Маск яшчэ трошкі ўрэзаў Twitter — гэтым разам аддзел продажаў, паведамляе Bloomberg. Але паабяцаў, што больш звальненняў не будзе.

Пакінуць каментарый

У Twitter засталася толькі траціна супрацоўнікаў. А інжынераў абавязалі штотыдзень даваць справаздачу перад Маскам аб праведзенай працы

Ілан Маск яшчэ трошкі ўрэзаў Twitter — гэтым разам аддзел продажаў, паведамляе Bloomberg. Але паабяцаў, што больш звальненняў не будзе.

На мінулым тыдні бізнэсовец выставіў працаўнікам сацсеткі «хардкорны» ўльтыматум: альбо вашаваць пад яго кіраўніцтвам, альбо атрымаць дапамогу і сысці.

Супрацоўнікі аддзела продажаў пагадзіліся на гэтыя ўмовы ахвотней за тэхнічных спецыялістаў, якія сталі масава падаваць у адстаўку. Як тлумачаць крыніцы выдання, звальненні ў продажах патрэбныя Маску для балансу.

Прычым некаторыя сталі атрымліваць сумныя паведамленні ўжо ў нядзелю ўвечары. У гэты ж дзень Маск правёў усеагульную нараду з супрацоўнікамі і новым кіраўніком падраздзялення — гаворкі пра скарачэнні там не вялося, аніякага карпаратыўнага анонсу звальненняў таксама не было. Колькі людзей закранула новая хваля, невядома.

Унутраны лічыльнік супрацоўнікаў Twitter, паводле слоў суразмоўцы Bloomberg, паказвае 2750, але цалкам магчыма, што самыя свежыя звальненні ў ім яшчэ не ўлічаныя. На момант, калі Twitter перайшоў пад крыло Маска, кампанія налічвала каля 7500 супрацоўнікаў.

«Twitter неўзабаве зломіцца»: менш за палову пазасталых супрацоўнікаў пагадзіліся працаваць па новых правілах Маска

На сходзе супрацоўнікаў у панядзелак прадпрымальнік паведаміў, што Twitter больш не будзе скарачаць штат — і гатовы наймаць. У тым ліку інжынераў і спецыялістаў у продажах. І нават папрасіў дзейных супрацоўнікаў прыводзіць новых па рэкамендацыі.

Напярэдадні Twitter пакінулі кіраўнікі аддзелаў продажаў і партнёрства, а таксама лідары крыптавалютнага кірунку і французскага офіса.

Таксама ў лісце да падначаленых у панядзелак увечары Маск паведаміў, што супрацоўнікі на тэхнічных пасадах, уключна з інжынерамі і «ўсімі, хто піша код у іншых падраздзяленнях», маюць кожны тыдзень, пачынаючы ад гэтага, адпраўляць па пошце выніковую справаздачу пра запланаваную і выкананую працы разам з фрагментамі свайго кода. Гэта неабходна, каб лепей разумець, хто чым заняты і што піша, і як можна хутка ўдасканальваць код. Поўны тэкст ліста апублікаваў Insider.