У Бэнкмана-Фрыда знайшлі актывы на $700 млн. Іх могуць канфіскаваць на карысць кліентаў FTX

Паводле даных Bloomberg, актывы ўключаюць 55 мільёнаў акцый Robinhood Markets. Іх кошт ацэньваецца прыкладна ў $526 мільёнаў. Яшчэ больш за $20 мільёнаў выяўленыя на рахунку холдынгавай кампаніі Emergent Fidelity Technologies, якая выкарыстоўвалася для куплі акцый. Крыптаўклад на рахунках FTX Digital Markets і тры ўклады на Binance утрымліваюць каля $171 мільёна.

Цяпер Бэнкман-Фрыд адбывае хатні арышт у Каліфорніі. Ён не прызнаў сябе вінаватым па ніводным з васьмі пунктаў абвінавачвання, заяву пра банкруцтва крыптабіржы FTX лічыць памылкай. Судовы разбор прызначаны на 2 кастрычніка.