Новым кіраўніком «Лесты» стаў расіянін Барыс Дабрадзееў. Топ-менеджар ужо мае падобны досвед: у 2014 годзе менавіта ён узначаліў «ВКонтакте» пасля таго, як з пасады генеральнага дырэктара кампаніі пад ціскам расійскіх уладаў сышоў Павел Дураў.
Новым кіраўніком «Лесты» стаў расіянін Барыс Дабрадзееў. Топ-менеджар ужо мае падобны досвед: у 2014 годзе менавіта ён узначаліў «ВКонтакте» пасля таго, як з пасады генеральнага дырэктара кампаніі пад ціскам расійскіх уладаў сышоў Павел Дураў.
Дабрадзееў стаў гендырэктарам юрасобы АТ «Айти Технологии» — кампаніі, пад кіраванне якой Расмаёмасць перадала «Лесту» у сярэдзіне ліпеня. Сама юрасоба была створана 1 ліпеня, зараз у яе ў кіраванні ўсе тры расійскія юрасобы «Лесты»:
Сваімі планамі на новай пасадзе Барыс Дабрадзееў падзяліўся з РБК. Па яго словах, аперацыйная дзейнасць «Лесты» «не спыняецца»:
«Кампанія працягвае выконваць усе свае абавязацельствы перад гульцамі і партнёрамі і рэалізоўваць стратэгію, якая пацвярджае яе лідарскі статус, гэта значыць не толькі выпускаць абнаўленні да сваіх гульняў і рыхтавацца да запуску новых праектаў, але і актыўна ўдзельнічаць у фармаванні ўсёй гульнявой індустрыі».
На думку новага гендырэктара, «„Мир танков“, „Мир кораблей“ і „Танки Blitz“ — гэта не проста гульні. Гэта важная частка культурнага кода для мільёнаў людзей і цэлых пакаленняў. Яны таксама сімвалізуюць памяць, павагу і гонар за нашу гісторыю. Таму асноўнай задачай з’яўляецца захаванне прадуктаў, якімі карыстаюцца мільёны гульцоў».
У планах «Лесты» няма скарачэння колькасці супрацоўнікаў, закрыцця праектаў або скарачэння «агульнаіндустрыяльных актыўнасцяў», асобна адзначыў Дабрадзееў.
У прыярытэце кампаніі — «агрэсіўны наём і захаванне грамадскіх ініцыятыў», дадаў новы гендырэктар студыі. «З бліжэйшых падзей адзначу цікавыя змены, звязаныя са святкаваннем 15-годдзя „Мира танков“ у жніўні, — адзначыў Дабрадзееў. — Абнаўленне мае сімвалічную назву „Разварот“, якое дасць пачатак карэкціроўцы курсу аперыравання гульнёй у бок паляпшэння „якасці жыцця“ гульцоў».
Барыс Дабрадзееў — сын генеральнага дырэктара Усерасійскай дзяржаўнай тэлевізійнай і радыёвяшчальнай кампаніі (УДТРК) Алега Дабрадзеева. У 2014 годзе Барыс Дабрадзееў заняў пасаду гендырэктара «ВКонтакте» пасля таго, як з кампаніі пасля канфлікту з новымі акцыянерамі і пад ціскам расійскіх уладаў сышоў Павел Дураў. Раней ён працаваў у USM Holdings, які належачыць Алішэру Усманаву. У 2016 годзе Дабрадзееў стаў кіраўніком усёй Mail.ru Group (зараз вядомая як VK) у Расіі.
На фоне ўваходжання ў склад акцыянераў VK «Газпром-Медиа Холдинг» ў 2021 годзе Дабрадзееў пакінуў гэтую пасаду. У пачатку лютага 2022 года ён узначаліў USM Telecom, але ў маі пакінуў пасаду і заняўся ўласнымі праектамі.
Нагадаем, што пецярбургская студыя «Леста Игры» да 2022 года была падраздзяленнем Wargaming. Пасля пачатку паўнамаштабнага ваеннага ўварвання ва Украіну Wargaming абвясціла пра сыход з Расіі і Беларусі і перадала мясцовы бізнес «Лесце», а сваю долю — яе кіраўніку Маліку Хатажаеву.
У красавіку 2025 года расійскі суд арыштаваў тры асноўныя юрасобы «Леста Игры». А ў чэрвені расійскія ўлады нацыяналізавалі кампанію.
Рэлацыраваліся? Цяпер вы можаце каментаваць без верыфікацыі акаўнта.
ВКатанки...
разварот не туды))
Карыстальнік адрэдагаваў каментарый 1 жніўня 2025, 19:06