Вучыцеся кодзіць — і як мага раней: CEO GitHub і Cloudflare

Домке называе праграмаванне базавым навыкам нароўні з іншымі школьнымі прадметамі. Але да людзей гэта чамусьці «вельмі доўга даходзіць», таму яно да гэтага часу не ўключана ў школьную праграму. «Я перакананы, што кожнае дзіця павінна вучыцца пісаць код. Мы павінны вучыць дзяцей кодзіць ў школе гэтак жа, як вучым фізіцы, геаграфіі, граматыцы, матэматыцы і ўсяму астатняму», — адзначыў кіраўнік платформы ў нядаўнім падкасце Entrepreneurs' Organization.

Сам Домке праграмуе яшчэ з 1990-х і кажа, што цяпер, на фоне росквіту штучнага інтэлекту, — мы назіраем «самы захапляльны» момант у гісторыі распрацовак. Паводле яго слоў, тэхналогія значна панізіла парог уваходу ў сферу і зрабіла распрацоўку даступнейшай для простых людзей, бо цяпер нават непрафесіянал можа з дапамогай чат-ботаў стварыць просты сайт, аплікацыю або гульню. Гэта прывядзе да яшчэ шырэйшага распаўсюджвання софту.

Таксама гендырэктар GitHub мяркуе, што ШІ дапаможа «ажыццявіць яго мару» — каб менш праектаў закідвалася і памірала, а маштабныя праекты маглі б рэалізоўвацца маленькімі камандамі. ШІ робіць працэс распрацоўкі больш эфектыўным, тлумачыць Домке.

Тых, хто ўжо працуе ў ІТ, ён заклікае заставацца дапытлівымі і выкарыстоўваць любую магчымасць крыху ўдасканаліць свае навыкі. «Не спыняйце практыкавацца. Не спыняйце вучыцца. Заўсёды ёсць чаму вучыцца. Калі азірнуцца і паглядзець, якой была сфера распрацовак 30 гадоў таму і якой яна з’яўляецца цяпер — я б моцна адстаў, калі б не чытаў пастаянна блогі, літаратуру і не спрабаваў нешта сам», — адзначыў ён.

Што да праграмавання, з ім згодны кіраўнік Cloudflare Мэцью Прынс. У нядаўнім інтэрв’ю Business Insider ён сказаў, што сам асабліва не піша код, але веданне асноў — «надзвычай карыснае»: «Нават калі вы больш не пішаце код, я думаю, што базавае разуменне [праграмавання] карыснае».

Прынс кажа, што прафесія софтвернага інжынера не страціла сваёй актуальнасці, нягледзячы на тое, што ШІ ўсё лепш і лепш піша код. «Асабліва ў такой сферы, як наша, дзе вельмі важная бяспека, код выпускаецца толькі пасля дбайнай праверкі жывымі спецыялістамі», — распавёў ён. І дадаў, што слушна і адваротнае: ніводны радок чалавечага кода не застаецца без праверкі ШІ.

У Cisco патлумачылі, чаму вучыцца пісаць код усё яшчэ актуальна

Па тэме

У Cisco патлумачылі, чаму вучыцца пісаць код усё яшчэ актуальна

Вайб-кодынг змяніў погляд інвестараў на ІТ-стартапераў. Цяпер ад іх чакаюць іншыя скілы

Па тэме

Вайб-кодынг змяніў погляд інвестараў на ІТ-стартапераў. Цяпер ад іх чакаюць іншыя скілы

Microsoft: праз 5 гадоў 95% кода будзе пісаць ШІ

Па тэме

Microsoft: праз 5 гадоў 95% кода будзе пісаць ШІ

«Камп’ютарныя дзяўчаты»: як мужчыны выцеснілі жанчын з праграмавання

Па тэме

«Камп’ютарныя дзяўчаты»: як мужчыны выцеснілі жанчын з праграмавання