У Бразіліі суддзя заблакаваў рахункі Starlink. Маск назваў яго «дыктатарам»

Суддзя федэральнага Вярхоўнага суда Алешандрэ дэ Мараэс заблакаваў банкаўскія рахункі кампаніі Starlink Holding, якая належыць Ілану Маску. Бізнэсовец назваў Мараэса «злым дыктатарам» і асудзіў пастанову пра блакаванне рахункаў, адзначыўшы, што пастанова карае іншых акцыянераў і бразільскіх карыстальнікаў.

Раней суд даў сацсетцы Х суткі, каб прызначыць афіцыйнага прадстаўніка ў краіне, пасля таго, як кампанія закрыла свой офіс у Бразіліі. Ультыматум скончыўся ў чацвер, 29 жніўня.

У судзе патлумачылі, што санкцыі супраць Starlink з’яўляюцца адказам на адсутнасць законных прадстаўнікоў X у Бразіліі. Таксама X не аплаціла некаторых штрафаў у памеры да $3,6 мільёна.

Таксама прэс-служба суда заявіла, што Маск у Бразіліі знаходзіцца «пад следствам у рамках расследавання 4957 меркаваных злачынстваў, звязаных з перашкодай правасуддзю, злачыннай арганізацыяй і падбухторваннем да злачынства».

У красавіку гэтага года суд пачаў расследаванне ў дачыненні да Маска. Мараэс запатрабаваў заблакаваць шэраг акаўнтаў, якія распаўсюджвалі дэзынфармацыю. Бізнэсовец абскардзіў пастанову, заявіўшы, што яна супярэчыць канстытуцыі. У выніку X паабяцала выканаць судовае рашэнне.

Бразільскі суд даў Х суткі, каб прызначыць свайго прадстаўніка. Або сацыяльныя сеткі заблакуюць

Па тэме

Бразільскі суд даў Х суткі, каб прызначыць свайго прадстаўніка. Або сацыяльныя сеткі заблакуюць

X закрыла офіс у Бразіліі праз канфлікт Маска з суддзёй

Па тэме

X закрыла офіс у Бразіліі праз канфлікт Маска з суддзёй

Бразілія забараніла Meta выкарыстоўваць асабістыя даныя грамадзян для навучання АІ

Па тэме

Бразілія забараніла Meta выкарыстоўваць асабістыя даныя грамадзян для навучання АІ