У DŌBRA далі важную параду стартапам

Гаворка зайшла пра гіпотэзы і пра тое, што іх варта развіваць публічна — чым раней далучыць супольнасць да працэсу, тым больш рэалістычнай і жыццяздольнай будзе прадуктовая стратэгія. «І яшчэ: на пачатковым этапе не ганяйцеся за ідэалам — добрае разуменне праблемы карыстальніка важней за бездакорны прататып», — адзначылі ў DŌBRA.

Студыя займаецца стварэннем і развіццём стартапаў у сферы псіхічнага здароўя чалавека і іншых глабальных праблем. Яна не прымае стартапы звонку, а шукае перспектыўныя праблемныя тэмы і фармуе крос-функцыянальныя каманды для стварэння эфектыўных рашэнняў з нуля. Тут імкнуцца не проста запускаць аплікацыі, а сфармаваць інфраструктуру для пастаяннай генерацыі стартапаў. Першыя стартапы, такія як Bear Room, CareCompanion, Magic Mirror, Teeni і Food for Mood, ужо праходзяць тэставанне на рынку.

У DŌBRA падкрэсліваюць, што псіхічнае здароўе — гэта не толькі пра настрой і эмоцыі. Яно таксама датычыцца асабістай прадуктыўнасці, кагнітыўных здольнасцяў і здольнасці жыць поўным жыццём. І дапамагчы падтрымліваць яго можа якасны лічбавы прадукт.

Сваёй галоўнай адметнасцю ад канкурэнтаў у студыі лічаць тое, што яна імкнецца ствараць якасныя стартапы, гатовыя да прыцягнення венчурных інвестыцый. Па-першае, шмат увагі надаецца валідацыі ідэй, падчас якой праводзіцца глыбокі аналіз вялікай колькасці дадзеных. Па-другое, ключавая каманда займаецца ўсім: наймам, юрыдычнымі пытаннямі, маркетынгам, камплаенсам і партнёрствамі, — каб прадукт-оўнеры маглі засяродзіцца на прадукце. Рэсурсы размяркоўваюцца паміж стартапамі, што дазваляе знізіць тэмпы іх выдаткаў і выгаранне фаўндараў. Па-трэцяе, праца вядзецца ітэратыўна — ідэі хутка тэстуюцца, а рэсурсы пераразмяркоўваюцца на самыя перспектыўныя. Інвестыцыі выдзяляюцца адразу на ўсё, што дапамагае знізіць рызыкі. Усе стартапы працуюць над адной праблемай, што стварае канкурэнцыю за выжыванне і павялічвае шанцы на поспех. Ключавым тут называюць гнуткасць: калі адзін праект не дацягвае, каманда пераходзіць на іншы без страты талентаў і экспертызы.

Венчурная студыя DŌBRA — у топе HackerNoon. Адразу ў некалькіх катэгорыях

Па тэме

Венчурная студыя DŌBRA — у топе HackerNoon. Адразу ў некалькіх катэгорыях