У iPad нарэшце з'явіцца «Калькулятар» — пасля 14 гадоў

З незразумелых прычын праграма «Калькулятар» адсутнічала ў АС 14 гадоў ад моманту запуску арыгінальнага iPad, у той час як у iPhone праграма з’явілася яшчэ ў 2007 годзе. Цяпер «Калькулятар» папоўніць спіс існых праграм. У iPadOS у 2022 годзе ўжо з’явіліся інструменты «Акцыі», «Гадзіннік», «Галасавыя нататкі» і «Надвор’е».

Верагодна, што «Калькулятар» для планшэта будзе мець большы набор функцый, чым існыя праграмы для iOS і macOS. Напрыклад, гэта можа быць часавая шкала для прагляду мінулых вылічэнняў, магчымасць змены памеру акна, таксама магчымая змена дызайну інтэрфейсу.