У якіх краінах Еўропы айцішнікі самыя запатрабаваныя?

Найбольшай доля анлайн-вакансій для такіх спецыялістаў ад агульнай колькасці аб’яў аб працы выявілася ў Славакіі (16,5%). За ёй ідуць Кіпр (14,8%) і Люксембург (14,7%). Менш за ўсё ў параўнанні з іншымі работнікамі айцішнікаў шукалі працадаўцы Славеніі (3,7%), Фінляндыі (4,1%) і Харватыі (4,3%).

Большасць (59,1%) вакансій для ІКТ-спецыялістаў, апублікаваных у рэгіёне ў сеціве за разгледжаныя 12 месяцаў, прыпадаюць на распрацоўшчыкаў і аналітыкаў софту і праграм. Другімі па запатрабаванасці сталі спецыялісты падтрымкі ІКТ-інфраструктуры і тэхпадтрымкі карыстальнікаў (10,6%), на трэцім — спецыялісты па працы з базамі даных і сеткамі (9,8%).

Самая высокая доля распрацоўшчыкаў і аналітыкаў сярод шуканых у сетцы айцішнікаў — у Нідэрландах, Польшчы і Аўстрыі. Больш за 20% айцішных анлайн-вакансій прыпадае на тэхнічных спецыялістаў у Партугаліі, Славакіі і на Мальце. У Польшчы і Літве адсотак такіх вакансій самы нізкі. У Латвіі зафіксаваны адзін з самых высокіх адсоткаў аб’яў для спецыялістаў па працы з базамі даных і сеткамі ад агульнага пула айцішных вакансій краіны — другі пасля Грэцыі.