У Літве працуюць 4 тыс. рэлакантаў з РБ, а ў Вільні жыве 23 тыс. беларусаў
26 красавіка ў Вільні праходзіць ІI Беларускі бізнэс-форум. На ім выступілі літоўскія чыноўнікі, якія падзяліліся апошняй статыстыкай пра колькасць беларускіх працаўнікоў і кампаній у краіне.
Цытаты ўдзельнікаў форуму прыводзіць каманда найбуйнейшага да блакавання навінавага партала Беларусі.
У Літве працуюць 4092 спецыялісты, рэлакаваныя з Беларусі. З іх у 2022 годзе прыехалі 1568 чалавек. Усяго ў краіне працуюць 42 бізнэс-праекты <з беларускімі каранямі>. Пра гэта расказаў намеснік міністра эканомікі і інавацый Літвы Караліс Жамайціс.
З гэтых 42 бізнэс-праектаў — 30 ІТ-кампаній з беларускімі каранямі, у якіх працуе 4,5+ тысяч чалавек (не толькі беларусаў).
Жамайціс падзяліўся інфармацыяй пра колькасць Blue Card, выдадзеных у Літве. У 2022 годзе іх атрымалі 45 тыс. замежнікаў, з іх 45% — беларусы.
На форуме Святлана Ціханоўская агучыла тры галоўныя праблемы, з якім беларускі бізнэс сутыкаецца ў Літве: попыт на візы для перамяшчэння працадаўцаў, супрацоўнікаў і сем’яў, які расце, цяжкасці пры адкрыцці банкаўскіх рахункаў, а таксама складаны доступ да фінансаў і інвестыцый праз адсутнасць крэдытнай гісторыі.
Паводле даных International House Vilnius, у літоўскай сталіцы пражывае каля 70 тысяч замежнікаў (усё насельніцтва горада — 600 тысяч). Самая вялікая дыяспара — беларуская. У Вільні жыве 23 тысячы нашых суайчыннікаў.
Читать на dev.by