У Расіі лакалізавалі JavaScript

«Перш чым прыступіць да рашэння, студэнты часта трацяць час на пераклад умоў задачы. Гэта тармозіць працэс навучання. Мы пераклалі дзясяткі заданняў і выпусцілі два зборнікі, каб кожны мог сканцэнтравацца на сутнасці, а не на лексіцы», — расказалі ў ВНУ.

Перакладная версія мовы заснавана на лацінцы і англійскіх словах, але цалкам напісана кірыліцай — у ёй няма ніякіх англіцызмаў. Ужо зарэгістраваны патэнт на праект — ён называецца «Аўтатэставанне спартыўных задач па праграмаванні на JS з патрыятычным кантэнтам». Русіфікаваны JavaScript інтэграваны ў анлайн-платформу для кодынгу Codewars, у якой рэалізавана аўтаматычная праверка рускамоўнага кода.

Выданне адзначае, што ініцыятыва накіравана на «умацаванне ролі нацыянальнай мовы ў ІТ-сферы і стварэнне айчынных рашэнняў, незалежных ад англамоўных стандартаў». А таксама што аналагічныя практыкі існуюць у іншых краінах. У Кітаі ёсць Easy Programming Language (EPL), у шэрагу арабскіх дзяржаў — Qalb. Навучальная мова Mama падтрымлівае іўрыт, а ў Індыі выкарыстоўваюць Hindawi Programming System. Вось толькі ў міжнародных рэйтынгах гэтых моў не відаць.

Некаторыя эксперты сумняваюцца ў практычнай карысці «адамашненага» JavaScript. Яны асцерагаюцца, што новаўвядзенне прывядзе да ізаляцыі галіны, ускладніць для мясцовых праграмістаў узаемадзеянне з супольнасцю, пераход на іншыя мовы і працу ў міжнародных кампаніях, а таксама знізіць канкурэнтаздольнасць на рынку тых, хто вучыўся пісаць код на кірыліцы. Хоць дапускаюць, што такі падыход можа быць дарэчным на пачатковых этапах — распрацоўкі ПДУ ўжо прымяняюцца не толькі ў ВНУ, але і ў школах.

JavaScript — адна з самых папулярных і запатрабаваных моў праграмавання ў свеце. Яна займае 6 месца ў топе TIOBE і ў рэйтынгу Інстытута інжынераў электратэхнікі і электронікі. А англійская — самая распаўсюджаная мова ў свеце, яна шырока выкарыстоўваецца не толькі ў праграмаванні, але і ў назвах праграм, у тым ліку расійскіх.

CNews падкрэслівае, што ідэя не новая — напрыклад, у позднім СССР былі шырока распаўсюджаныя мадыфікацыі DOS і моў праграмавання, цалкам перакладзеных на рускую мову. Таксама цалкам русіфікаваны сучасны код для «1С».