Расійскія кампаніі адчуваюць недахоп ІТ-спецыялістаў пачатковага ўзроўню падрыхтоўкі: колькасць адкрытых вакансій для іх удвая перавышае колькасць рэзюмэ. Пра гэта піша «Камерсант» са спасылкай на даследаванне платформаў Skillbox і HeadHunter.
Расійскія кампаніі адчуваюць недахоп ІТ-спецыялістаў пачатковага ўзроўню падрыхтоўкі: колькасць адкрытых вакансій для іх удвая перавышае колькасць рэзюмэ. Пра гэта піша «Камерсант» са спасылкай на даследаванне платформаў Skillbox і HeadHunter.
На працягу 2022 года на рынку было адкрыта больш за 67 тысяч вакансій для ІТ-спецыялістаў без досведу працы (джуноў) і каля 310 тысяч — для супрацоўнікаў з досведам працы ад 1 да 3 гадоў. Пры гэтым агульная колькасць суіскальнікаў у гэтых катэгорыях складае 214 тысяч чалавек.
Апытаныя даследчыкамі прадстаўнікі энергетычнага і фінансавага сектараў кажуць, што ў іх колькасць вакансій для джуноў засталася на ўзроўні 2021 года. Сярод прамысловых прадпрыемстваў і ІТ-кампаній спецыялісты пачатковага ўзроўню патрэбныя: у сярэднім колькасць вакансій у гэтай катэгорыі павялічылася на 25%.
Дэфіцыт кадраў вымусіў расійскія кампаніі змяніць агульны падыход да наймання, адзначаюць у HeadHunter. Амаль траціна рэспандэнтаў стала прыцягваць спецыялістаў на часовай аснове, яшчэ траціна — лаяльней ставіцца да аддаленай працы. Чвэрць прадстаўнікоў малога бізнэсу адказалі, што актыўна працаўладкоўваюць студэнтаў. Абсалютная большасць працадаўцаў (72%) сталі актыўней разглядаць на адкрытыя пазіцыі кандыдатаў, якія прайшлі перакваліфікацыю.
«Многія нашыя кліенты і партнёры сапраўды пачалі актыўней наймаць junior-спецыялістаў, паколькі ім неабходна папоўніць дэфіцыт кадраў праз сыход middle- і senior-спецыялістаў, якія з’ехалі за мяжу», — адзначыў дырэктар цэнтра падбору ІТ-спецыялістаў SymbioWay Данііл Піліпенка. Ён дадаў, што кампаніі ахвотней, ніж раней, навучаюць недасведчаных супрацоўнікаў унутры арганізацыі.
Самі ж удзельнікі рынку запэўніваюць, што пакуль у прыярытэце ўсё ж спецыялісты высокага і сярэдняга ўзроўню. Але крыніцы выдання на рынку пацвярджаюць, што кампаніі ўсё часцей наймаюць джуноў, асабліва калі падціскаюць тэрміны дзяржкантрактаў.
Рэлацыраваліся? Цяпер вы можаце каментаваць без верыфікацыі акаўнта.
Не удивительно.
Поскольку есть потенциальная бронь от сво, то в джуны теперь берут вполне себе мидлов за джунскую зарплату. Отсюда и "нехватка джунов". По факту - нехватка мидлов на джунскую зарплату.
Карыстальнік адрэдагаваў каментарый 16 сакавіка 2023, 13:58
Это была реклама курсов 😁
Просто стало не хватать человеков.
Что ещё можно ожидать от исследования Skillbox)))