У Вярхоўным судзе патлумачылі, як не стаць інтэрнэт-хуліганам

Ён падкрэсліў, што ў судовай практыцы такіх спраў пакуль не было, але калі будуць, трэба быць гатовымі і ведаць, як адэкватна прыцягнуць парушальнікаў да адказнасці. Гаворка пра людзей, якія выкладваюць у сетку «інфармацыю з прыкметамі яўнай непавагі да грамадства». «Неабходна было паспрабаваць упарадкаваць паводзіны асоб у сетцы інтэрнэт і, магчыма, прадугледзець іх адказнасць», — адзначыў суддзя.

Ён патлумачыў, што не ўсе выказванні ў сетцы з яўнай непавагай да грамадства будуць лічыцца крымінальна караным хуліганствам.

«Маецца на ўвазе, што толькі тая інфармацыя можа быць прызнана злачынствам, якая адрозніваецца па сваім змесце выключным цынізмам і ў выніку яе размяшчэння ў нашым, неінфармацыйным, свеце груба парушаны грамадскі парадак, і гэтыя дзеянні здзейснены з хуліганскім матывам», — сказаў суддзя.

У якасці прыкладу, калі размешчаная ў інтэрнэце інфармацыя прывяла да грубага парушэння грамадскага парадку ў рэальным жыцці, ён прывёў сарванае масавае мерапрыемства, парушэнне працы ўстаноў і арганізацый і таму падобнае.