ШІ імкліва мяняе структуру каманд у Instagram, але патрабаванні да моцных кандыдатаў застаюцца ранейшымі. Кіраўнік сацсеткі Адам Масеры ў свежым выпуску Lenny’s Podcast расказаў, якія рысы ён шукае ў людзях незалежна ад іх спецыялізацыі і чаму ў эпоху ШІ «густ» стане галоўнай канкурэнтнай перавагай чалавека.
ШІ імкліва мяняе структуру каманд у Instagram, але патрабаванні да моцных кандыдатаў застаюцца ранейшымі. Кіраўнік сацсеткі Адам Масеры ў свежым выпуску Lenny’s Podcast расказаў, якія рысы ён шукае ў людзях незалежна ад іх спецыялізацыі і чаму ў эпоху ШІ «густ» стане галоўнай канкурэнтнай перавагай чалавека.
Паводле Масеры, калі ў кандыдата ёсць пэўны набор базавых якасцяў, ён з часам зможа асвоіць любы кірунак. Іх тры: здольнасць хутка вучыцца, упартасць («агонь у вачах») і высокі ўзровень самасвядомасці (self-awareness).
Апошні пункт кіраўнік Instagram лічыць крытычна важным для выжывання ў сучаснай карпаратыўнай культуры: «Самасвядомасць неабходная, таму што гэта азначае, што вы сапраўды здольныя ўспрымаць зваротную сувязь. Калі ў вас ёсць гэтыя тры рэчы — калі ў вас гарыць агонь, вы хутка вучыцеся і валодаеце самасвядомасцю, — у рэшце рэшт станеце добрымі ў чым заўгодна. Але калі адсутнічае хаця б адзін з гэтых элементаў, звычайна ўзнікаюць праблемы».
У бліжэйшыя дзесяць гадоў тэхналогіі зменяць ІТ-індустрыю да непазнавальнасці. Масеры ўпэўнены, што ў свеце, які перакроіў ШІ, перамогуць найбольш адаптыўныя. Для гэтага ён раіць пастаянна спрабаваць новае і не баяцца выглядаць недарэчна, параўноўваючы засваенне ШІ-інструментаў з вывучэннем замежнай мовы.
«Ці гатовыя вы выглядаць ідыётам? Ці гатовыя вы проста сказаць глупства, быць выпраўленым, не пакрыўдзіцца на гэта, а потым станавіцца ўсё лепшым і лепшым? Вам папросту трэба заявіць пра сябе. І з усімі гэтымі новымі інструментамі, мадэлямі і тэхналогіямі, я думаю, вы проста павінны быць гатовыя спрабаваць», — адзначыў гендырэктар Instagram.
Акрамя трох базавых якасцяў Масеры вылучыў яшчэ адну — эстэтычны і прадуктовы густ. Менавіта таму ён вельмі аптымістычна глядзіць на будучыню дызайнераў і візіянераў. Калі дзякуючы ШІ ствараць прадукты стане крайне проста і танна, на першы план выйдзе ўменне аддзяляць зерне ад пустазелля: «У свеце, дзе ствараць рэчы становіцца ўсё прасцей, значна важней траціць час на разуменне таго, што менавіта вам наогул варта ствараць у першую чаргу».
Рэлацыраваліся? Цяпер вы можаце каментаваць без верыфікацыі акаўнта.