Віцэ-прэзідэнт Google папярэдзіў пра «галюцынацыі» ў чатботаў
Старэйшы віцэ-прэзідэнт Google і кіраўнік Google Search Прабхакар Рагхаван лічыць, што людзям не варта пераацэньваць АІ-чатботаў, паколькі яны не заўсёды дакладныя і могуць даваць некарэктныя, хоць і пераканаўчыя адказы. Пра гэта ён заявіў нямецкаму выданню Welt Am Sonntag.
«У гэтага віду штучнага інтэлекту … можа часам узнікаць з’ява, якую мы называем галюцынацыяй», — адзначыў ён, патлумачыўшы, што пад гэтым словам у кампаніі разумеюць праўдападобныя, але цалкам адарваныя ад рэальнасці адказы чатботаў.
Мінулага панядзелка Google прадставіла аналаг ChatGPT хатняй распрацоўкі. У дэма-ролік Bard трапіў памылковы адказ пра тэлескоп «Джэймс Уэб», які каштаваў кампаніі $100 млрд капіталізацыі. Падзенню акцый спрыялі асцярогі з нагоды пагрозы, якую ChatGPT уяўляе для ключавога — рэкламнага — бізнэсу Google.
Рагхаван дадаў, што кампанія разумела неабходнасць «тэрмінова» выпусціць Bard на рынак, але разам з тым — «вялікую адказнасць», бо яна «не хоча ўводзіць публіку ў зман».
«Мы шукаем спосабы інтэграцыі гэтых магчымасцей у наш пошукавы функцыянал, асабліва для запытаў, па якіх няма толькі адзінага адказу», — расказаў топ-менеджар Welt Am Sonntag.
Читать на dev.by