«План-пастка»: у сацсетках абмяркоўваюць ідэю «скруціць» досвед і ўладкавацца мідлом у некалькі кампаній, каб працаваць менш, а атрымліваць столькі ж

Па такой схеме, адзначае топікстартар, можна траціць на працу «чатыры гадзіны ў дзень», «атрымліваць столькі ж» і не несці ні за што адказнасці.

Некаторыя каментатары падтрымалі ідэю і сказалі, што ўжо так робяць ці плануюць. Хтосьці практыкуе яе не ў ІТ, прычым у статусе менеджара.

«Галоўны плюс у гэтай схеме — дыверсіфікацыя: калі звольняць з адной працы застанецца яшчэ дзве», — напісаў адзін з карыстальнікаў.

«Я не ў ІТ, але абсалютна працоўная схема, брат. Тры гады так жыву. Замест таго каб [кіраваць] аддзелам ці праектам і сядзець справаздачыцца на бясконцых планёрках за ўсіх [непуцёвых калег] і вынік ціхенька менеджару сабе ў двух-трох кампаніях на аддаленцы на ўваходным трафіку. Грошы +/- тыя ж», — напісаў іншы.

Хтосьці не бачыць у такім плане нейкай асаблівай геніяльнасці — маўляў, у Германіі цалкам рэальна уладкавацца на дзве-тры працы джуном і атрымліваць бы ў два разы больш, чым аўтар каментара атрымлівае зараз.

Песімісты лічаць, што падводных камянёў больш, чым здаецца, і план не выгарыць: 4 гадзін не хопіць на ўсю працу і толькі на сазвоны будзе сыходзіць па 8 гадзін у дзень. А яшчэ «хутка стане сумна». З іншага боку, вызваленны час можна патраціць на хобі.

«Колькі б досведу ў цябе не было, ты не зможаш умясціць тры мідл-стаўкі ў чатыры гадзіны ў дзень. Мінімум восем і то, калі праекты будуць лёгкія і без паганятых», — лічыць адзін з карыстальнікаў.

Карыстальнікі задумаліся, як сумяшчаць працы, каб кампаніі гэтага не зразумелі. На думку аўтара, «ніхто не перашкаджае працаваць праз ІП. А многія гэта нават патрабуюць».