Фаўндар амерыканскіх ШІ-стартапаў Mixpanel і Playground AI Сухаіл Дашы абвінаваціў айцішніка з Індыі Сахама Пареха ў тым, што той працуе адразу на некалькі стартапаў і падманвае іх. Кажа, што Парех паспеў папрацаваць у адной з яго кампаній у мінулым годзе, пакуль схема не выкрылася, і быў звольнены ў першы працоўны тыдзень.
Фаўндар амерыканскіх ШІ-стартапаў Mixpanel і Playground AI Сухаіл Дашы абвінаваціў айцішніка з Індыі Сахама Пареха ў тым, што той працуе адразу на некалькі стартапаў і падманвае іх. Кажа, што Парех паспеў папрацаваць у адной з яго кампаній у мінулым годзе, пакуль схема не выкрылася, і быў звольнены ў першы працоўны тыдзень.
PSA: there’s a guy named Soham Parekh (in India) who works at 3-4 startups at the same time. He’s been preying on YC companies and more. Beware.
— Suhail (@Suhail) July 2, 2025
I fired this guy in his first week and told him to stop lying / scamming people. He hasn’t stopped a year later. No more excuses.
Тое, што некаторыя айцішнікі працуюць на некалькіх работах адначасова, ні для каго не сакрэт. Некаторым кампаніям нават бывае без розніцы пры ўмове, што супрацоўнік робіць сваю працу добра і ў тэрмін.
У выпадку Пареха праблема не столькі ў тым, што ён працуе адразу на 3-4 кампаніі — Дашы абураны тым, што айцішнік хлусіць у рэзюмэ. У яго за плячыма ёсць досвед на розных тэхнічных пазіцыях у Dynamo AI, Union AI, Synthesia і Alan AI, а таксама бакалаўрыят у Мумбайскім універсітэце і магістратура Тэхналагічнага інстытута Джорджыі. Дашы сцвярджае, што 90% рэзюмэ — фікцыя. Прадпрымальнік спрабаваў данесці да супрацоўніка, што столькі сумяшчаць і маніць нядобра, але папярэджанне не спрацавала.
Пост стаў вірусным і сабраў мноства рэакцый, прычым змешаных. Многія пацвярджалі словы Дашы. СЕО Fleet AI сказаў, што Парех ужо шмат гадоў працуе больш чым у 4 кампаніях адначасова. Заснавальнікі стартапаў AIVideo і Mosaic адзначылі, што ледзь не нанялі яго, хоць ён бліскуча паказаў сябе на сумоўях. Яшчэ адзін юзер напісаў, што яго кампанія дамовілася з Парехам на выпрабавальны тэрмін, але потым убачыла твіт Дашы і ўсё скасавала. Нехта такі наняў Пареха, але, убачыўшы пост, зараз жа звольніў — не прайшло і тыдня.
Некаторыя ў каментарыях адзначалі, што ў сумяшчальніцтве няма нічога крымінальнага. Ім Дашы адказаў, што Парех вечна хлусіць, а працу не выконвае — і гэта пацвердзілі адразу некалькі кампаній.
Рэлацыраваліся? Цяпер вы можаце каментаваць без верыфікацыі акаўнта.