Xiaomi пабудавала завод, які будзе працаваць кругласутачна без людзей

Плошча завода складае каля 81 тысячы м². Гадавая магутнасць прадпрыемства складацьме каля 10 мільёнаў флагманскіх смартфонаў. Напрыклад, тут будуць выпускаць Xiaomi MIX Fold 4 і Xiaomi MIX Filp.

Якасць прадукцыі будуць кантраляваць інтэлектуальныя машыны, якія змогуць узаемадзейнічаць адна з адной. Вытворчы працэс мае на ўвазе выпуск аднаго смартфона на секунду.

Xiaomi ўклала ў распрацоўку новага вытворчага працэсу каля $330 мільёнаў. Гэта не першы праект аўтаматызаванага прадпрыемства: першы інтэлектуальны завод быў пабудаваны ў пекінскім раёне Ічжуан у 2019 годзе.