Youtube дадаў АІ-дубляванне на розных мовах

Функцыя распрацаваная ў рамках праекта Aloud з тэхналагічнага інкубатара Google Area 120. Алгарытм транскрыбуе відэа, прапаноўваючы аўтару расшыфроўку запісу, якую ён можа пры неабходнасці адрэдагаваць. Затым сістэма ажыццяўляе пераклад і дадае дубляваную гукавую дарожку.

Цяпер платформа ўжо тэсціруе новую функцыю з некалькімі сотнямі аўтараў. Пакуль даступны дубляж толькі з англійскай мовы на іспанскую і партугальскую, у перспектыве колькасць моў павялічыцца. Інструмент дапаможа істотна пашырыць аўдыторыі каналаў, у будучыні распрацоўшчыкі плануюць зрабіць гукавыя дарожкі падобнейшымі да арыгінальных галасоў і сінхранізуюць маўленне з артыкуляцыяй.