Алеся Чапкевич bel 22 красавіка 2026, 14:57

Не толькі банкі. Польскія аператары пачалі патрабаваць у беларусаў ВНЖ ці пашпарт

Telegram-канал Złoty Dzik распавёў гісторыю беларуса на сталым побыце ў Польшчы, у якога скончыўся тэрмін дзеяння пашпарта. Мужчына хацеў змяніць дамову з аператарам сувязі Play, але сутыкнуўся з цяжкасцямі.

Пакінуць каментарый

Не толькі банкі. Польскія аператары пачалі патрабаваць у беларусаў ВНЖ ці пашпарт

Telegram-канал Złoty Dzik распавёў гісторыю беларуса на сталым побыце ў Польшчы, у якога скончыўся тэрмін дзеяння пашпарта. Мужчына хацеў змяніць дамову з аператарам сувязі Play, але сутыкнуўся з цяжкасцямі.

Спачатку аператар адказаў, што для афармлення паслуг прымае толькі пашпарт або пасведчанне асобы ЕС (dowód osobisty). Фактычна гэта азначае, што калі пашпарт пратэрмінаваны, падключыць мабільную сувязь або інтэрнэт немагчыма.

Мужчына не пагадзіўся і напісаў у падтрымку, спаслаўшыся на афіцыйныя крыніцы. Ён указаў, што ў Польшчы для замежнікаў дакументамі, якія сведчаць асобу, могуць быць не толькі пашпарт, але і карта побыту, а таксама:

Польскі дакумент пасведчання асобы замежніка (Polski dokument tożsamości cudzoziemca);
Часовае пасведчанне асобы замежніка (Tymczasowe zaświadczenie tożsamości cudzoziemca);
Праязны дакумент, прадугледжаны Жэнеўскай канвенцыяй аб статусе бежанцаў (Dokument podróży przewidziany w Konwencji Genewskiej dotyczącej statusu uchodźców);
Дакумент, які пацвярджае наяўнасць згоды на талерантнае знаходжанне пад назвай «Згода на талерантнае знаходжанне» (Dokument potwierdzający posiadanie zgody na pobyt tolerowany o nazwie «zgoda na pobyt tolerowany»).

Пасля гэтага звароту PLAY змяніў пазіцыю. У фінальным адказе аператар удакладніў, што прымае ў якасці падставы: пашпарт, dowód osobisty і карту побыту.

Гэта значыць у беларусаў, у якіх скончыўся пашпарт і няма дзейснага ВНЖ, пры падключэнні сувязі або змене дадзеных у аператара могуць узнікнуць праблемы, адзначае Złoty Dzik.