EPAM шчыра паразмаўляў з камандай. Ці будуць яшчэ звальняць? Хто ў зоне рызыкі?

У беларускім офісе EPAM на мінулым тыдні правялі сазвон, на якім абмяркоўвалі важныя для супрацоўнікаў пытанні: заробкі і бонусы, бэнч і скарачэнні, заказы і рэлакацыю. Чытачы dev.by пераказалі самыя важныя тэзісы з гэтага мітынгу. 

Асноўны меседж

Аперацыйная мадэль кампаніі мяняецца. Раней пазіцый было больш, ніж людзей, таму кампанія актыўна наймала, а супрацоўнікі на бэнчы спакойна чакалі свайго праекта. З прыходам шматлікіх крызісаў парадыгма змянілася: пазіцый менш, ніж людзей, «дэманд» не расце. Кампанія імкнецца аптымізавацца, і ўсе рашэнні прымаюцца зыходзячы з патрэб бізнэсу. Адсюль змены падыходу да зп, бэнчу, асэсменту, рэлакацыі і г. д.

Заробкі і бонусы

Бонусы за ўклад у кампанію ўжо размарозілі, за папярэднія перыяды іх таксама выплацяць. 

Планаў на размарозку або перагляд заробкаў цяпер няма, бо трэнд хутчэй негатыўны, ніж нейтральны. 

Бэнч: тэрміны і сувязь са звальненнямі 

Так, траплянне супрацоўніка на бэнч у цяперашніх негатыўных умовах прыводзіць да звальнення, але гэта адбываецца не аўтаматычна, а залежыць ад рашэння менеджара. Ёсць уніфікаваны фрэймворк, які падказвае менеджару рашэнне. Пры гэтым падыход да канкрэтнага супрацоўніку залежыць ад яго досведу, узроўню, дысцыпліны і разумення яго перспектыў.

Скарачэнні: ці чакаць новых хваль?

Скарачэнне 2% штату ў Беларусі было разавай падзеяй. Гэта было складанае рашэнне, прычына — бізнэс-сітуацыя ў лакацыі, нізкі «дэманд». Яно дазволіла выправіць асноўныя паказчыкі і стварыць зачын на будучыню для тых, хто можа трапіць на бэнч.

Не, кіраўніцтва не згоднае з меркаваннем, што агульная колькасць звольненых за год значна перавысіла 2%. Такой лічбы няма.

Іншых скарачэнняў на гэты момант не плануецца. Калі нешта зменіцца, калектыву паведамяць.

На ўнутраных праектах новых скарачэнняў таксама не плануецца. І наогул, калі кіраўніцтва спрабуе аптымізаваць косты, яно не глядзіць, ці працуе чалавек на billable-пазіцыі або на ўнутраным праекце, — яно глядзіць на ўсю кампанію. 

Непрацягненне кантрактаў, якія сканчаюцца: наколькі верагодна

Большасць супрацоўнікаў — на бестэрміновых працоўных дамовах, іх падаўжаць не трэба. Але ёсць і такія, хто на працоўным кантракце. Калі ў кантрактара ёсць праект або прадбачыцца праектная загрузка, то з высокай доляй верагоднасці яго кантракт будзе падоўжаны.

Выбар кандыдатаў на звальненне: якія крытэрыі

Іх некалькі: досвед і ўзровень супрацоўніка, што адбываецца «ў практыцы і дысцыпліне», а таксама «дэманд» і разуменне перспектывы.

Як супрацоўніку зразумець, ці не ў чырвонай ён зоне? Пагутарыць са сваім менеджарам або лакальным кіраўніком, ён раскажа пра перспектывы і параіць, якія скілы прапампаваць, каб канкурэнтаздольнасць вырасла.

Наяўнасць billable-пазіцыі ў нейкай меры гарантуе захаванне працы, так як непасрэдная праца з кліентам і рэвен’ю ў прыярытэце. Аднак не абсалютна. Ніхто не можа прадбачыць, як павядзе сябе заказчык, ці не скароціць ён бюджэты. 

Для нон-прадакшн-спецыялістаў правілы такія ж, як і для прадакшн. Калі супрацоўнік і яго спецыялізацыя ў моманце і агляднай будучыні запатрабаваныя, можна не хвалявацца. Але ў любым выпадку варта пагутарыць са сваім менеджарам пра перспектывы.

Рэлакацыя: ці чакаць размарозку

Пакуль не. Так як «дэманд» не расце, неабходнасці ў інтэнсіўнай перавозцы людзей няма. 

Еўропа досыць дарагая, да канца I квартала 2024 года рэлакацыя туды хутчэй выключэнне, ніж правіла. І рэч не ў выдатках на квіткі, а ў пацверджанай загрузцы: яна мае быць як мінімум на год.

Што будзе з праграмай рэлакацыі ў II квартале 2024 года, пакуль незразумела. 

Сацпакет

Змен хутчэй за ўсё не будзе.

Канкурэнтаздольнасць беларускай лакацыі: што для гэтага робіцца. Можа, дэмпінг дапаможа? 

Дэмпінг не дапаможа. Якія б дзеянні кампанія ні рабіла, гэта ніяк не ўплывае на існыя рызыкі. 

Праекты: як маюцца на Блізкім Усходзе і ў Афрыцы

EPAM пачынаў працаваць з краінамі ў рэгіёне Middle East (ААЭ, Катарам), але гэта новы рынак са сваёй спецыфікай і менталітэтам, супрацоўніцтва развіваецца павольней, ніж хацелася б. Таксама кампанія спрабуе наладзіць узаемадзеянне з афрыканскімі краінамі.

EPAM Anywhere: чаму няма вакансій для Беларусі

Беларусь ніколі не была прыярытэтнай лакацыяй для EPAM Anywhere (платформа для аддаленай працы — dev.by). Задача платформы —асвойваць новыя рынкі. Цяпер яна сканцэнтраваная, напрыклад, на Лацінскай Амерыцы, дзе адбываецца бурны рост. 

Пра перспектывы беларускага офіса

Ніхто не ведае, як будзе развівацца сітуацыя: занадта шмат невядомых зменных. Маральна трэба быць гатовым да любога сцэнара. EPAM працягвае працаваць у Беларусі, пакуль тут ёсць кліенты і таленты. Не, з лакацыі не сыходзяць усе-ўсе кліенты, больш за тое, офіс павольна, але ўпэўнена асвойвае новыя рынкі. У той жа час на глабальным узроўні кампанія пераглядае аперацыйную мадэль, каб прыцягнуць новых кліентаў, захаваць старых і палепшыць пазіцыянаванне на рынку.

Дыспарытэт: чаму калі ў Беларусі скарачаюць, у Індыі наймаюць

Усё проста: у Індыі самыя нізкія рэйты і яна на другім месцы па памеры штату. Ва ўмовах крызісу многія заказчыкі ў мэтах эканоміі выбіраюць Індыю, пры гэтым яны застаюцца з EPAM. 

Вяртанне ў офісы: ці плануецца?

Гвалтоўна вяртаць супрацоўнікаў у офісы не плануецца. Да гібрыднай мадэлі ўсе ўжо прывыклі. Ці можна прыходзіць у офіс, каб сацыялізавацца? Вядома, так.

Карпаратывы: чаму ў Беларусі няма, а ў іншых краінах ёсць

Сёлета карпаратываў, здаецца, не будзе па ўсёй кампаніі. Але ў Беларусі дакладна будзе анлайн-мерапрыемства. 

Перспектыва: верагоднасць, што ў 2024-м заказчыкі перагледзяць бюджэт і заказаў стане больш

Верагоднасць ёсць, але разлічваць не варта. Трэнд не падобны да пазітыўнага, ён хутчэй нейтральны са злёгку негатыўным ухілам. Бо ў заказчыкаў няма выразнага бачання на будучы год, закладваць бюджэты яны будуць асцярожна. Наўрад ці гэтыя бюджэты павялічаць «дэманд».

dev.by, як і іншым сумленным медыя, сёння вельмі складана: рэдакцыя працуе па-за межамі краіны, а нашыя рэкламныя даходы скараціліся ў некалькі разоў. Але мы даем рады — з вашай дапамогай. Гэта вы дзеліцеся з намі інфанагодамі, думкамі, досведам, часам, увагай і данатамі.

Праз Patreon. 

З Беларусі — праз Donorbox.

І яшчэ крыптой, тут кашалькі.

Дзякуй, што прачыталі гэтае паведамленне.