Зялёная камета неўзабаве праляціць каля Зямлі ўпершыню за 50 тысяч гадоў

Паводле даных NASA, камета рухаецца па арбіце вакол Сонца, бліжэй за ўсё да Зямлі яна пройдзе 1-2 лютага, на адлегласці 42 мільёны кіламетраў. У Паўночным паўшар'і назіральнікі змогуць убачыць камету паблізу Палярнай зоркі. C/2022 E3 (ZTF) можа стаць заўважнай нават няўзброенаму воку ў цёмным небе пры канцы студзеня.

Цела каметы складаецца з лёду і пылу, праз асаблівасці складу яна адрозніваецца ад іншых нябесных целаў яркім зеленаватым свячэннем. Дыяметр аб’екта складае 1 кіламетр. Збліжэнне з каметай адбудзецца ўпершыню за 50 тысяч гадоў. Нябесны аб’ект быў адкрыты 2 сакавіка гэтага года з дапамогай камеры, размешчанай у Паламарскай абсерваторыі.