Былы дарадца Дональда Трампа і па сумяшчальніцтве яго зяць Джарэд Кушнер лічыць, што праца ва ўрадзе не ахвяра, а нядрэнны буст для кар’еры, і можа даць больш перавагаў, чым праца ў ШІ-стартапе ці тэхнагіганце. Пра гэта ён заявіў у падкасце No Priors.
Былы дарадца Дональда Трампа і па сумяшчальніцтве яго зяць Джарэд Кушнер лічыць, што праца ва ўрадзе не ахвяра, а нядрэнны буст для кар’еры, і можа даць больш перавагаў, чым праца ў ШІ-стартапе ці тэхнагіганце. Пра гэта ён заявіў у падкасце No Priors.
«Вы дакладна зробіце ўнёсак у грамадства, вельмі шмат чаму навучыцеся, сустрэнеце мноства цікавых людзей з розным бэкграўндам, і дакладна сыдзеце з новым поглядам на рэчы», — адзначыў ён.
Па фінансах дзяржсектар, вядома, не параўнаецца з OpenAI, прызнаў Кушнер, але сказаў, што яно таго варта. «Ваш розум пашырыцца і ўжо больш ніколі не стане ранейшым», — дадаў ён.
Ён параўнаў гэты досвед з «двухгадовым навучаннем у бізнес-школе», якое дазволіць сфарміраваць сетку кантактаў, зразумець, як уладкаваны ўрад і як працуе заканадаўства і палітыка.
«Відавочна, што вы адмовіцеся ад грашовай кар’еры, але [пасля працы ва ўрадзе] зможаце знайсці яшчэ лепшае месца», — лічыць Кушнер. Ён дадаў, што ў дзяржсектар зараз прыходзіць як ніколі шмат людзей з прыватнага і што яны дапамагаюць эканоміць мільярды бюджэтных даляраў.
Словы Кушнера выглядаюць цікава пасля таго, як у пачатку года з падачы Дэпартамента эфектыўнасці ўрада на чале з Іланам Маскам былі звольнены тысячы дзяржслужачых. Хаця яшчэ да гэтых узрушэнняў некаторыя зумеры сапраўды аддавалі перавагу дзяржсектару перад расхістанай тэхнасферай.
Па красавіцкіх дадзеных платформы Handshake, федэральныя органы сталі адзінымі сярод працадаўцаў, дзе ў другой палове навучальнага года быў зафіксаваны спад колькасці заявак ад саіскальнікаў у дачыненні да папярэдняга года. Заявак на дзяржпасады стала менш на 40%.
Релоцировались? Теперь вы можете комментировать без верификации аккаунта.