9 з 10 супрацоўнікаў Amazon незадаволеныя пяцідзёнкай, тры чвэрці гатовыя звальняцца

Толькі 9% рэспандэнтаў былі задаволеныя тым, што ім давядзецца вярнуцца ў офіс. А 73% заявілі, што цяпер падумваюць пра змену працадаўцы.

32% апытаных знаюць кагосьці, хто звольніўся праз новыя патрабаванні. А 80% знаюць людзей, якія задумаліся пра сыход.

Адзін супрацоўнік адзначыў, што навіна вельмі нязручная для людзей з сям’ёй і дзецьмі, якія не хочуць пераязджаць — асабліва з улікам таго, што ёсць рызыка ў найбліжэйшыя месяцы трапіць пад скарачэнне. «Такія рашэнні — вельмі важная прычына, чаму ў мяне няма дзяцей. Не хачу, каб іншыя ставілі ўмовы, якія псуюць якасць майго жыцця», — кажа яшчэ адзін.

Пяцідзёнка Amazon можа ўдарыць не толькі па ўтрыманні супрацоўнікаў, але і па найманні. У абмеркаванне на Blind уключыліся карыстальнікі з іншых кампаній: адзін супрацоўнік Microsoft сказаў, што чуў пра праблемы з хайрынгам у Amazon, а супрацоўнікі SpaceX і іншых кампаній пагадзіліся, што праз RTO-палітыку больш не разглядаюць Amazon як патэнцыйнага працадаўцу.