Amazon абвінавачваюць у зборы даных пра дзяцей праз разумныя калонкі
Федэральная гандлёвая камісія ЗША (FTC) рэкамендавала падаць пазоў супраць кампаніі, чые разумныя калонкі нібыта збіраюць інфармацыю пра дзяцей без згоды бацькоў.
Паводле даных Bloomberg, збор даных адбываецца насуперак патрабаванню Закона пра абарону канфідэнцыйнасці дзяцей у інтэрнэце (COPPA). Мінюст ЗША можа падаць пазоў ад імя FTC ў гэтым месяцы.
Раней у 2019 годзе група праваабарончых арганізацый звярнулася ў FTC з просьбай праверыць, ці парушаюць разумныя калонкі правы дзяцей на недатыкальнасць прыватнага жыцця.
Актывісты сцвярджаюць, што кампанія на працягу нявызначанага тэрміну захоўвае запісы галасоў, у некаторых выпадках яна працягвае гэта рабіць нават пасля таго, як карыстальнікі спрабуюць іх выдаліць.
Amazon заявіла, што яе абноўленая праграма Kids+ адпавядае патрабаванням COPPA. Штраф за парушэнне закона можа скласці да $50 000 па кожным эпізодзе.
Читать на dev.by