Амерыканскія зумеры знайшлі нечаканую альтэрнатыву хісткаму ІТ: дзяржсектар
Зумеры і міленіялы расчараваныя бясконцымі скарачэннямі ў ІТ-індустрыі ЗША, якія не абышлі бокам нават такія аўтарытэтныя і ўстойлівыя кампаніі, як Meta і Google. Для маладых супрацоўнікаў больш важным фактарам пры пошуку працы, ніж грошы, становіцца стабільнасць — яны знаходзяць яе ў дзяржорганах, піша Business Insider.
Упэўненасці ў тым, што атрымаецца не патрапіць пад скарачэнні, сёння мала нават у тых, хто працуе ў ІТ-кампаніях не адзін год, кар’ерныя перспектывы на гэтым фоне блякнуць, пра лаяльнасць і стан карпаратыўнай культуры таксама казаць не выпадае. Моладзь адштурхоўвае недавер да працадаўцаў, неабходнасць авертайміць, сумнеў у тым, што атрымаецца выйсці на пенсію і назбіраць на старасць.
Дзяржаўныя пасады між тым маюць свае плюсы: добрая медстрахоўка і льготы, гарантаваная пенсія з выхадам у раннім веку. А яшчэ — спісанне адукацыйных крэдытаў па сканчэнні 10 гадоў службы на некаторых пазіцыях.
Гаворачы пра перавагі працы дзяржсектара, рэкруцёры ў TikTok адзначаюць гарантаванасць занятасці. Паводле слоў аднаго з іх, верагоднасць пазбавіцца працы ў прыватным сектары ў тры разы вышэйшая, ніж на дзяржслужбе. Пры гэтым дзён аплачванага адпачынку тут больш — а гэта плюс да балансу паміж асабістым жыццём і працай.
Читать на dev.by