Даследаванне Cybernews паказала, што шмат супрацоўнікаў у ЗША ўжываюць у працы штучны інтэлект, які афіцыйна не ўхвалены іх працадаўцамі. 75% з іх прызналіся, што перадаюць такім сэрвісам патэнцыйна адчувальныя даныя.
Даследаванне Cybernews паказала, што шмат супрацоўнікаў у ЗША ўжываюць у працы штучны інтэлект, які афіцыйна не ўхвалены іх працадаўцамі. 75% з іх прызналіся, што перадаюць такім сэрвісам патэнцыйна адчувальныя даныя.
59% работнікаў прызналіся, што выкарыстоўваюць недазволеныя ШІ-інструменты. Прычым 57% сцвярджаюць, што іх менеджары ўхваляюць такую практыку, а яшчэ 16% — што кіраўнікам папросту ўсё роўна. Такім чынам, «ценявы ШІ» атрымлівае негалосную ўхвалу зверху, хоць афіцыйныя правілы часта адсутнічаюць: у 23% кампаній зусім няма палітыкі па выкарыстанні ШІ.
Хоць 89% апытаных разумеюць пагрозы, звязаныя з ШІ, большасць працягвае дзяліцца з ім канфідэнцыйнымі дадзенымі. Гэта павышае верагоднасць уцечак і кіберінцыдэнтаў. Паводле даных IBM, ужыванне «ценявога ШІ» можа павялічыць сярэднія выдаткі на ліквідацыю ўцечкі дадзеных амаль на $670 тысяч.
Часцей за ўсё да недазволеных ШІ-сэрвісаў звяртаюцца топ-менеджары і кіраўнікі — тыя, хто павінен задаваць стандарты кібербяспекі. Эксперты адзначаюць, што многія кампаніі альбо не прадастаўляюць зручных і магутных ШІ-інструментаў, альбо ўкараняюць іх занадта павольна. У выніку работнікі самі выбіраюць старонія рашэнні, якія дазваляюць хутчэй спраўляцца з задачамі, але нясуць рызыку ўцечкі дадзеных.
«Ценявы ШІ квітнее там, дзе няма адкрытай дыскусіі і ясных правілаў. Пакуль кампаніі закрываюць вочы, супрацоўнікі будуць выкарыстоўваць любыя інструменты, якія дапамагаюць ім працаваць эфектыўней», — адзначае даследчык бяспекі Cybernews Мантас Сабецкіс.
Рэлацыраваліся? Цяпер вы можаце каментаваць без верыфікацыі акаўнта.