Apple спрабуе пераканаць ЕС, што ў яе цэлых пяць App Store

Apple падала апеляцыю на рашэнне Еўракамісіі, згодна з якім яе крама праграм App Store падпадае пад патрабаванні новага Закона аб лічбавых рынках (DMA). Дакумент патрабуе, каб брамнік (кампанія, якая кіруе паслугамі платформы) не аддаваў перавагі сваім уласным прадуктам або паслугам, а таксама дазваляў распрацоўшчыкам прасоўваць уласныя прадукты па-за межамі платформы і выкарыстоўваць іншыя плацежныя сістэмы.

Таксама рэгулятар разглядае пытанне, ці варта ўнесці ў спіс і месенджар iMessage. У выпадку, калі iMessage прызнаюць буйным сэрвісам, Apple будзе вымушаная забяспечыць сумяшчальнасць месенджара з іншымі. Нягледзячы на падачу апеляцыі, кампанія ўсё роўна будзе абавязаная выконваць новыя правілы для сваіх платформаў ад 6 сакавіка.

Раней стала вядома, што Міністэрства юстыцыі ЗША знаходзіцца на фінальнай стадыі антыманапольнага расследавання супраць Apple. Верагодна, ведамства падасць найбуйнейшы пазоў супраць кампаніі ў першай палове гэтага года. У ім будзе разглядацца кантроль Apple над апаратным і праграмным забеспячэннем сваёй экасістэмы. Міністэрства яшчэ не прыняло канчатковага рашэння з нагоды падачы пазову.