Даводзяць да шаленства калегі? Вы далёка не самотныя — даследаванне
АІ-канструктар рэзюмэ Kickresume апытаў каля 3 тысяч супрацоўнікаў пра тое, ці даводзілася ім мець справу з калегамі, што раздражняюць. Станоўчы адказ далі 85% рэспандэнтаў, а 58% паскардзіліся, што гэта вельмі моцна адбілася на іх прадукцыйнасці.
Аўтары даследавання адзначаюць, што пераход на аддаленую працу дазволіў некаторым супрацоўнікам павялічыць дыстанцыю паміж імі і самымі непрыемнымі для іх калегамі. Для 45% гэта мела пазітыўны эфект. А зумеры сталі адзінай узроставай групай, прадстаўнікі якой адзначылі, што ва ўмовах аддаленай працы іх стала больш выводзіць з сябе пісьмовая камунікацыя з калегамі ў месенджарах.
Топ-5 дзеянняў калег, якія даводзяць да шаленства апытаных больш за ўсё, выглядае так:
- прысвойваюць чужыя заслугі,
- мікраменеджараць,
- вечна ныюць,
- урываюцца ў асабістую прастору,
- крадуць ссабойкі.
41% рэспандэнтаў хацеў бы мець магчымасць выказаць ненавісным калегам у твар усё, што пра іх думае, 19% спадзяюцца, што іх паводзіны зменяцца, а 11% — што іх звольняць. 6% былі б радыя іх публічнаму прыніжэнню, уяўляюць, як псуюць іх рэпутацыю, або нават хочуць прымяніць да іх фізічны гвалт.
Насамрэч 32% проста пазбягаюць прадмет сваёй непрыязнасці, 12% — выліваюць душу іншым калегам. Толькі 17% адкрыта выказваюць сваю незадаволенасць калегам, што раздражняюць, а 12% ідуць па дапамогу да эйчараў.
Падрабязна з вынікамі апытання Kickresume можна азнаёміцца тут.
Читать на dev.by