Больш за палову выпускнікоў ВНУ з дыпломам у ЗША працуюць на працы, для якой бакалаўрыят не патрэбны, або выкарыстоўваюць навыкі, атрыманыя на такой працы, піша CBS News. Але што яшчэ горш, яны могуць затрымацца на такой працы на ўсю сваю працоўную кар’еру.
Больш за палову выпускнікоў ВНУ з дыпломам у ЗША працуюць на працы, для якой бакалаўрыят не патрэбны, або выкарыстоўваюць навыкі, атрыманыя на такой працы, піша CBS News. Але што яшчэ горш, яны могуць затрымацца на такой працы на ўсю сваю працоўную кар’еру.
Новае сумеснае даследаванне — на фоне ўсё большых сумневаў амерыканцаў у мэтазгоднасці дыплома і адмовы многіх працадаўцаў ад патрабавання вышэйшай адукацыі ў суіскальнікаў — выпусцілі арганізацыі Burning Glass Institute і Strada Institute for the Future of Work. Выявілася, што калі сваю першую працу выпускнік знайшоў у нізкааплатнай сферы або калі яна не адпавядае яго інтарэсам, то вырвацца з нялюбай прафесіі або сферы ў далейшым можа быць вельмі няпроста.
«Палова выпускнікоў аказваецца на працы, для атрымання якой было неабавязкова ісці ў каледж», — адзначаюць у Burning Glass. У якасці прыкладу прыводзяцца прафесіі ў сферах рознічнага гандлю, гасціннасці і прамысловасці.
У кансалтынгавым агенцтве HEA Group высветлілі, што праз дзесяць гадоў пасля паступлення ў каледж слухачы чвэрці праграм ВА атрымліваюць менш за $32 тысячы — гэта медыянны гадавы заробак людзей, у якіх за плячыма толькі школа. То-бок, кажуць у Burning Glass, сама па сабе «паперка» зусім не гарантуе высокааплатнай працы, як гэта адчула на сабе палова яе ўладальнікаў.
Галоўным вырашальным фактарам, які абумоўлівае перспектывы працаўладкавання пасля вучобы, з’яўляецца спецыялізацыя студэнта. Гэта можа быць нават важнейшым за ВНУ, у якой ён вучыцца.
Напрыклад, пры выбары медыцыны верагоднасць выкарыстоўваць набытыя веды і атрымліваць за іх зарплату вышэйшая, чым у выпадку з грамадскай бяспекай: праз пяць гадоў пасля выпуску толькі 23% студэнтаў-медыкаў працуюць не па спецыяльнасці супраць 68% сярод тых, хто спецыялізаваўся на грамадскай бяспецы. У студэнтаў STEM-дысцыплін гэты паказчык склаў 36%.
Шанец пабудаваць добрую кар’еру на аснове дыплома павышае вытворчая практыка: верагоднасць працаваць не па спецыяльнасці ў такім выпадку зніжаецца амаль у два разы.
Рэлацыраваліся? Цяпер вы можаце каментаваць без верыфікацыі акаўнта.