Многія шукаюць абходныя шляхі літаральна праз знаёмых — калі тыя жывуць за мяжой. Адны браніруюць жыллё праз мясцовыя сервісы, іншыя адкрываюць віртуальныя карты «нармальных» банкаў, трэція дамаўляюцца наўпрост з гатэлямі або гаспадарамі. Вось тры гісторыі пра рабочыя спосабы ў 2026 годзе.
Многія шукаюць абходныя шляхі літаральна праз знаёмых — калі тыя жывуць за мяжой. Адны браніруюць жыллё праз мясцовыя сервісы, іншыя адкрываюць віртуальныя карты «нармальных» банкаў, трэція дамаўляюцца наўпрост з гатэлямі або гаспадарамі. Вось тры гісторыі пра рабочыя спосабы ў 2026 годзе.
Airbnb сышоў з Беларусі цалкам.
Booking працуе з абмежаваннямі: беларусам можна шукаць і браніраваць замежныя гатэлі, але не з тэрыторыі Беларусі, а аплата картамі беларускіх банкаў часта блакіруецца. Частка карыстальнікаў спрабуе аплаціць праз PayPal з картамі БСБ і «Тэхнабанка» або выбірае жыллё з опцыяй аплаты на месцы.
Ёсць і іншыя «санкцыйныя» праблемы з падрыхтоўкай да адпачынку: так, лаўкостэры Ryanair і Wizz Air выкарыстоўваюць платежныя шлюзы, якія часта блакіруюць транзакцыі па геаграфічнай прыкмеце.
— У нас з мужам паездка запланавана на чэрвень: спачатку ў Вільнюс — а адтуль у вялікае падарожжа.
Паколькі на мяжы могуць быць чэргі, білеты на аўтобус узялі з запасам у два дні. І на гэтыя ж два дні забраніравалі нумар у гатэлі. Калі мы падарожнічаем з дзецьмі, то бронім вялікі нумар у гатэлі Panorama — каб проста перайсці вуліцу ад аўтавакзала і апынуцца на месцы. Ну, і ў іх зручная сістэма браніравання — на іх жа сайце, якая прымае беларускія карткі.
На гэты раз дзеці застануцца дома, так што мы вырашылі выбраць штось папрасцей і патаннейшае. Спачатку спрабавалі праз Booking: паспрабавалі і Google Pay, і Apple Pay, і папросту нумар карткі ўводзіць (прычым у нас некалькі розных — і ад Priorbank, і ад БСБ) — не спрацавала. Тады мы знайшлі той жа самы варыянт з Booking у інтэрнэце — і забраніравалі яго на сайце кампаніі з картай ад БСБ.
Купіць білеты ў Wizz Air таксама аказалася няпроста (хоць год таму рабілі гэта раз-два) — прыйшлося крыху патанцаваць з бубнам. Але ў выніку ўсё атрымалася праз Apple Pay (і нават карта Priorbank спрацавала).
Паколькі Booking так і не дазволіў нам забраніраваць нумар у гатэлі ў Вільнюсе, надзеі, што гэта атрымаецца ў іншым горадзе, не было ніякай (дакладней, забраніраваць у нас атрымалася, але аказалася, што аплата адкладзеная — да 29 мая, калі ж мы паспрабавалі спісаць грошы адразу, сервіс адхіліў плацёж).
Мы пачалі шукаць альтэрнатыўныя варыянты. Знаёмыя параілі «Островок.ru» і Trip.com — яны браніравалі на гэтых сайтах жыллё на час паездак. Ну, што сказаць: на жаль, мы так і не знайшлі прымальны для нас па цане і якасці варыянт, на патрэбныя нам даты засталося толькі тое, што «дорага-багата». Хоць, магчыма, прыйдзі мы значна раней — у нас быў бы нейкі шанс.
Яшчэ нам раілі паспрабаваць Agoda, але гэты сервіс адхіліў і карту ад БСБ, і ад Priorbank.
У выніку нас выратавала сваячніца мужа, якая ўжо 10+ гадоў жыве ў ЕС: яна забраніравала нам апартаменты на AirBnb са свайго акаўнта і заплаціла сваёй замежнай карткай. А мы вернем ёй грошы праз месяц, калі яна прыедзе ў Беларусь. Але пакуль мы прыйшлі да гэтага варыянту, мы абзванілі кучу знаёмых і сяброў, патраціўшы на гэта некалькі дзён (і кучу нерваў, бо прымальныя па кошце і водгуках варыянты, якія мы адзначалі для сябе, знікалі).
Дарэчы, ужо потым, калі ўсё было забранявана, адна знаёмая параіла турагента — той за невялікую плату ўзяла б і аплату квіткоў, і нумароў на сябе.
— Якраз нядаўна вярнуліся з падарожжа — ездзілі ў Італію праз Літву, а назад вярталіся праз Польшчу.
У Літве спыняліся ў сяброў, таму здымаць нічога не давялося. А ў Італіі і ў Польшчы нумары ў гатэлях браніравалі праз Booking, картка Visa ад BSB у еўра (ужо два гады ратуе). На сайт Booking, вядома ж, заходзілі праз VPN — каб не рызыкаваць.
У паездцы таксама разлічваліся гэтымі карткамі, але і наяўныя з сабой узялі — і не дарма: у невялікіх крамах і аптэках плацяжы па картках не заўсёды праходзілі.
Таксама ў нас не прайшла аплата ў аўтобусе, які ішоў з аэрапорта Malpensa ў Мілан. І хоць наяўнымі грашыма аплаціць было нельга, муж дамовіўся з кіроўцам: той разлічыўся за нас сваёй карткай, а мы аддалі яму патрэбную суму і падзякавалі «чаявымі».
Так, яшчэ не змаглі гэту ж картку ў Польшчы прывязаць да Bolt і Uber, хоць у той жа Літве аплата праходзіла.
— У красавіку ездзілі з жонкай у Іспанію. Раскажу, чым і як за ўсё плацілі.
З 2022 па 2024 год мы жылі ў Літве, але нашы літоўскія карткі, на жаль, ужо не працуюць, плюс пароль ад PayPal я згубіў, — таму перад паездкай праводзіў апытанне: хто як у нас у камандзе бронее квіткі і гатэлі. Аказалася, у многіх калег карткі «Нео Банк Азія» — гэта банк з казахстанскім капіталам (раней гэта быў «БТА Банк»). Яны паспяхова праходзяць праз амерыканскую платежную сістэму Stripe, якая абслугоўвае Booking. І ў PayPal, кажуць, дадаюцца.
Я спампаваў праграму, завёў віртуальную карту — і з яе купіў квіткі і ўсё забраніраваў (на Booking заходзіў з VPN). Потым да паездкі выпусціў яшчэ пластыкавую Visa ў камплект да віртуальнай.
Праз AirBnb я жыллё не браніраваў, але хтосьці з калег казаў, што нібыта ў іх з гэтай картай атрымлівалася (пра VPN, само сабой, не забываемся).
У самой паездцы ў нас яшчэ былі з сабой карты БСБ, «Тэхнабанка» і «МТБанка» — спрабавалі імі разлічвацца, спрацоўвалі не заўсёды і не ўсюды. У сетцы Mercadona і Alcampo (гэта іспанскі Auchan) аплата з іх праходзіла, а вось у Carrefour ужо плацілі з маёй каркі.
Релоцировались? Теперь вы можете комментировать без верификации аккаунта.