У OpenAI вярнуўся адзін з сузаснавальнікаў

Брокман абвясціў, што афіцыйна аднавіў працу ў OpenAI, учора ва ўнутранай рассылцы для супрацоўнікаў. Ён сказаў, што сумесна з гендырэктарам Сэмам Альтманам працаваў над стварэннем для сябе новай пасады, на якой ён засяродзіцца на значных тэхнічных праблемах, якія стаяць перад кампаніяй.

Раней з кампаніі сышлі тэхдырэктарка Міра Мураці, вядучая спецыялістка па бяспецы Ліліян Венг, а таксама сузаснавальнікі Джон Шульман і Ілля Суцкевер. Цяпер у камандзе засталіся толькі тры сузаснавальнікі, уключаючы Брокмана. Ён стаў галоўным саюзнікам Альтмана, калі яго ненадоўга выгналі ў мінулым годзе.

У OpenAI пацвердзілі вяртанне Брокмана. У жніўні ён паведаміў, што возьме адпачынак да канца года, каб «адпачыць» «упершыню» ад моманту заснавання OpenAI дзевяць гадоў таму.