Алеся Чапкевич bel 1 чэрвеня 2026, 14:02

МАРТ прайшоўся па інтэрнэт-крамах і прадаўцах электронікі. Усё добра толькі ў 1 з 5

Міністэрства антыманапольнага рэгулявання праверыла працу 190 суб’ектаў гандлю — 40, якія рэалізуюць бытавую тэхніку, і 150 інтэрнэт-крам.

Пакінуць каментарый

Міністэрства антыманапольнага рэгулявання праверыла працу 190 суб’ектаў гандлю — 40, якія рэалізуюць бытавую тэхніку, і 150 інтэрнэт-крам.

У ведамстве кажуць, што знайшлі мноства парушэнняў заканадаўства аб гандлі і абароне правоў спажыўцоў — больш чым у 80% выпадкаў.

Напрыклад, у інтэрнэт-краме 5element.by недаступная дастаўка пры пакупцы на суму менш за 80 рублёў. Краме прадпісалі ўхіліць парушэнне заканадаўства аб абароне правоў спажыўцоў.

На сайце good-shop.by знайшлі рэкламу піратэхнікі бытавога прызначэння, забароненай да рэалізацыі, а шэраг інтэрнэт-крам па продажы будматэрыялаў працавалі без унясення ў Гандлёвы рэестр.

Усім парушальнікам выдалі рэкамендацыі, а таксама прадпісанні крамам «Электрасіла» ў Мінску за прапанову тавараў з недакладнай датай вытворчасці. «5 элементу» ў Магілёве дасталося за продаж прасрочаных тавараў.