Праграміст прапрацаваў у амерыканскім офісе Amazon шэсць гадоў. І хоць было гэта даўнавата (ён звольніўся ў 2021 годзе), ягоны досвед і ўражанні здаюцца да гэтага часу цікавымі.
Праграміст прапрацаваў у амерыканскім офісе Amazon шэсць гадоў. І хоць было гэта даўнавата (ён звольніўся ў 2021 годзе), ягоны досвед і ўражанні здаюцца да гэтага часу цікавымі.
— Да Amazon я працаваў праграмістам у буйной кампаніі, якая праектавала і будавала заводы, пуцеправоды ды іншыя прамысловыя збудаванні. У тым месцы была цэлая куча праблем: вялікая цякучка кадраў, адсутнасць хоць нейкага працэсу распрацоўкі праграм ды іншыя мінусы. Таму, калі я атрымаў запрашэнне ад рэкрутара на сумоўе ў Amazon, то асабліва не разважаў.
Для падрыхтоўкі да сумоўя я карыстаўся спецыяльнай кнігай, у якой падрабязна расказвалася пра алгарытмы і структуры дадзеных. Пра Leetcode і Blind у той час я не чуў, ды яны, верагодна, яшчэ і не існавалі.
Суразмоўе было няпростым, але і не занадта складаным. Я не вельмі верыў, што змагу яго прайсці, таму што лічыў кампаніі FAANG элітарнымі. Але насамрэч усё аказалася куды прасцей. Заробак мне прапанавалі на 70% больш, чым на папярэднім месцы працы, і гэта стала для мяне невялікім шокам. Я нават не гандляваўся.
Першае ўражанне ад кампаніі — якія там усе разумныя! У мяне адразу ж пачаўся і доўга не праходзіў сіндром самазванца. Другое моцнае ўражанне — як яны матывуюць сваіх супрацоўнікаў. Для гэтага існуюць так званыя прынцыпы лідарства, напрыклад, Ownership, Bias for Action ды інш. Гэтыя прынцыпы ведалі ўсе і працу іншых ацэньвалі ў адпаведнасці з імі.
Я пачаў працаваць у вельмі маленькай камандзе, спачатку нас было ўсяго трое. Мы дадавалі на платформу Amazon функцыянал, неабходны для бізнес-пакупнікоў. Самыя складаныя часткі сістэмы былі напісаны на Perl, які на той момант ужо быў вельмі састарэлай тэхналогіяй. Але новыя фічы дадаваліся штогадзінна, таму перапісваць гэтыя часткі было на дзіва складана. У цэлым, платформа на той момант ужо складалася з тысяч мікрасервісаў, якія на карце выглядалі прыкладна як зорнае неба.
У першай камандзе праца была даволі расслабленай, і вузкім месцам была каардынацыя з іншымі камандамі. Гэта быў цікавы, але не вельмі карысны досвед. Мы дадавалі функцыі да сервісаў, якія належалі іншым камандам, пры гэтым у нас не было ўласных сервісаў. Я прапрацаваў у той камандзе крыху больш за год.
Потым мяне перавялі ў іншую каманду, якая адказвала за самы базавы сервіс у арганізацыі Amazon Business. Усе астатнія каманды ў арганізацыі так ці інакш залежалі ад нас, таму стабільнасць там была звышважнай. Любое запаволенне працы нашых сервісаў станавілася вялікай праблемай, не кажучы ўжо пра downtime. Адпаведна ў новай камандзе мне прыйшлося хутка засвоіць асновы маніторынгу і DevOps. Я зразумеў, што азначае фраза «Drinking from the firehose». Адчуванне было як на першым курсе ўніверсітэта, дзе ўсё на галаву складаней, чым у школе.
Што да балансу паміж працай і асабістым жыццём, то было па-рознаму: у маёй першай камандзе баланс быў выдатным, у другой — так сабе.
Галоўная прычына майго сыходу з Amazon — адсутнасць перспектываў росту. Я не бачыў рэальнай магчымасці прасунуцца на больш высокую пасаду.
Акрамя таго, мой заробак заставаўся такім жа, як і шэсць гадоў таму — нягледзячы на тое, што мой досвед вырас значна. Дзякуючы Blind і Levels.fyi я ўжо ведаў, што мой заробак ніжэй рынкавага.
Пошук працы пасля Amazon выпаў на 2021 год — выдатны час, калі ўсе наймалі і ўсе пазіцыі былі дыстанцыйнымі. Я не рассылаў рэзюмэ, а проста адказаў на некалькі лістоў ад рэкрутараў у LinkedIn. Яны даслалі мне спісы пазіцый, і я выбраў тыя, якія мяне цікавілі. Потым былі суразмоўі, і праз 3-4 тыдні ў мяне на руках было ўжо чатыры прапановы.
Я наўмысна не разглядаў працу ў мегакарпарацыях, а вырашыў папрацаваць у меншай кампаніі або нават стартапе. На платформе аналітыкі, куды я перайшоў, амаль усё аказалася лепш. І баланс працы/асабістага жыцця, і заробак (+60%), і бенефіты, і менш палітыкі.
Галоўнае, што даў мне досвед у Amazon, — гэта веды. Цяпер я ведаю, як уладкаваныя фундаментальныя сістэмы, на якіх пабудаваны інтэрнэт (S3, DynamoDB, SQS). Таксама ў мяне ёсць досвед DevOps, маштабавання сервісаў на вельмі вялікую колькасць запытаў і 99,9%+ даступнасці.
Акрамя досведу, ёсць іншыя рэчы. Безумоўна, радок у рэзюмэ палягчае пошук працы ў будучыні. Грошы таксама важныя: пасля шасці гадоў работы ў FAANG, калі жыць без раскошы, можна дастаткова назапасіць на пенсію.
Але я прыйшоў да высновы, што больш не хачу працаваць у буйных кампаніях. Чым буйнейшая кампанія, тым больш там працэсаў і палітыкі і менш магчымасцяў для праявы ўласнай ініцыятывы. Мне давялося назіраць гэта ў Amazon уласнымі вачыма, калі ўсё больш і больш абавязковых праектаў спускалася зверху.
Я ўдзячны Amazon за магчымасць папрацаваць там, але аднаго разу дастаткова. Гэта ж датычыць іншых тэхгігантаў.
Рэлацыраваліся? Цяпер вы можаце каментаваць без верыфікацыі акаўнта.
О карьерном росте в большой компании мечтают те, кого родители не любили.
Чувак, что с лицом?
Простите, а что Вы имеете ввиду?
забыл рассказать что Amazon охотно работает с H1B и оформляет GC. И вся фишка именно здесь. А если не надо ни то ни другое, то и Amazon ни к чему.
Это классика. Мы тебя микроменеджим но ты за всё отвечаешь, ведь ты этим владеешь (примерно как работник колхоза коллективно владеет земельной собственностью)