Dzik Pic правёў вялікае апытанне чытачоў пра тое, якімі фінансавымі інструментамі яны карыстаюцца ў Польшчы, з якімі цяжкасцямі сутыкаюцца ў банках і ці атрымалася ў іх атрымаць іпатэку. Мы выбралі самае цікавае з вынікаў.
Dzik Pic правёў вялікае апытанне чытачоў пра тое, якімі фінансавымі інструментамі яны карыстаюцца ў Польшчы, з якімі цяжкасцямі сутыкаюцца ў банках і ці атрымалася ў іх атрымаць іпатэку. Мы выбралі самае цікавае з вынікаў.
У апытанні ўзялі ўдзел 670 чалавек. Сярэдні рэспандэнт жыве ў Польшчы, мае часовы ВНЖ, працуе па умове о праце, атрымлівае даход у злотых і плаціць падаткі па шкале. Мае ашчадны рахунак, уклады, акцыі, аблігацыі, ETF і г. д. Адкладае на чорны дзень, але не давярае пенсійным фондам.
А вось як менавіта чытачы Dzik’а адкладаюць на будучыню (тут і далей рэспандэнтаў менш за 670, бо не ўсе адкладаюць, карыстаюцца фінансавымі інструментамі і г. д.).
Большасць (63,3%) не сутыкалася з адмовамі ў карыстанні фінансавымі інструментамі з-за свайго пашпарта або прававога статусу.
21,5% абралі адказ: «Так, <сутыкаўся>, у мяне на той момант быў від на жыхарства і беларускі пашпарт». Вось што гэта за цяжкасці.
Кожнаму чацвёртаму пагражалі абмежаваннем доступу да рахунку з-за пратэрмінаваных дакументаў: ВНЖ, візы, пашпарта.
Найчасцей праблемы мігрантам у Польшчы ствараў брытанска-літоўскі неабанк Revolut, на другім месцы — польскі Santander.
Вось што, напрыклад, пішуць чытачы:
«Мяне заблакавалі рахунак у банку Santander, туды не магла паступіць мая зарплата і я не мог рабіць пераводы. А іронія ў тым, што гэты ж банк у той час разглядаў заяўку на крэдыт і званіў мне з пытаннем, чаму я не атрымаў зарплату гэтым месяцам».
«Revolut. Давялося доўга тлумачыць пра чырвоны штамп аб падачы на ВНЖ і тэрміны яго чакання».
27% апытаных ужо набылі нерухомасць у Польшчы. Большасць з гэтых шчасліўцаў скарысталася іпатэкай. Амаль кожны пяты проста разбіў скарбонку, і яму хапіла. Амаль кожны дзясяты змог узяць крэдыт (у тым ліку па ўжо скасаванай праграме льготнага крэдыту пад 2%).
Найчасцей іпатэку ўдзельнікам апытання зацвярджаў Santander (раней банк выдаваў крэдыты нават замежнікам з візай, але пазней змяніў палітыку). На другім месцы — mBank, на трэцім — Millennium, на чацвёртым — PKO BP.
Паводле адмоваў, калі не ўлічваць катэгорыю «Іншае», у лідарах: Alior Bank, PKO BP, ING Bank, а таксама Millennium, mBank і Santander.
Рэлацыраваліся? Цяпер вы можаце каментаваць без верыфікацыі акаўнта.
А почему задали вопрос только про угрозы ограничения доступа к счетам? Оказалось, что у некоторых банков это не только угрозы.