Фірма Безаса ўклалася ў кампанію заснавальніка «Яндэкса»
Сэрвіс разметкі дадзеных Toloka прыцягнуў $72 мільёны ад інвестыцыйнай фірмы Bezos Expeditions Джефа Безаса і тэхдырактара Shopify Міхаіла Парахіна. Анонс заўважыў vc.ru.
Toloka уваходзіць у склад кампаніі Nebius Group, якая спецыялізуецца на ШІ-інфраструктуры і была створана сузаснавальнікам «Яндэкса» Аркадзем Волажам. Парахін увойдзе ў кіраўніцтва Toloka.
Кіраўніца Toloka Вольга Мегорская адзначыла, што інвестыцыі дапамогуць сэрвісу паскорыць рост, асабліва на амерыканскім рынку, а таксама падтрымаюць распрацоўку прадуктаў. У будучыні кампанія плануе правесці яшчэ адзін раўнд фінансавання.
Якую долю атрымала Bezos Expeditions, не ўдакладняецца. Nebius застанецца акцыянерам Toloka з «істотнай доляй» і працягне падтрымліваць сэрвіс, але адмовіцца ад кантролю над галасамі ў савеце дырэктараў кампаніі.
Рэлацыраваліся? Цяпер вы можаце каментаваць без верыфікацыі акаўнта.