Google пачала блакаваць сэрвісы для расійскіх арганізацый

Назваў пацярпелых арганізацый крыніцы не ўдакладнілі. «Пасля блакавання сэрвісаў супрацоўнікі кампаніі не могуць зайсці ў карпаратыўную пошту, скарыстацца электронным дакументаабаротам праз Google Docs, праз што ёсць рызыка фінансавых і рэпутацыйных страт, амаль усе важныя дакументы і перапіскі засталіся ў карпаратыўным сховішчы Google», — сказаў адзін з суразмоўцаў выдання.

Суразмоўца ў іншай буйной кампаніі адзначыў, што цяпер на амерыканскай платформе захоўваецца каля 30% усёй карпаратыўнай інфармацыі расійскіх кампаній: «Многія арганізацыі да канца адцягваюць пераход на альтэрнатыўныя працоўныя прасторы, напрыклад, „Яндэкса“, спадзеючыся, што Google загадзя папярэдзіць пра блакаванне». Сэрвісамі Google Workspace у асноўным карыстаюцца кампаніі малога і сярэдняга бізнэсу, на якія не дзейнічаюць патрабаванні імпартазамяшчэння.

Суразмоўцы «Камерсанта» на ІТ-рынку мяркуюць, што Google працягне блакаваць расійскія прадпрыемствы, якія знаходзяцца пад санкцыямі ЕС або ЗША. «Больш за тое, амерыканская кампанія можа рабіць гэта без папярэджання, што не дазволіць кампаніям зрабіць рэзервовае капіраванне на альтэрнатыўныя пляцоўкі», — дадаў адзін з іх.

У рассыланні, якая прыйшла супрацоўнікам расійскіх ІТ-кампаній, Google аргументавала блакаванне «спам-паведамленнямі». Паводле слоў экспертаў, памылка можа паўстаць, калі адпраўляць ліст больш як 500 атрымальнікам адразу або больш як 500 лістоў за дзень. Але на камерцыйных версіях сэрвісаў запас па адпраўцы лістоў большы. І пакуль яны не заўважылі ўсплёску блакаванняў.

Між тым крыніца, блізкая да Google, сцвярджае, што змяненняў у доступе да наяўных сэрвісаў Workspace у Расіі «наўмысна не ўводзілася».

А ўчора стала вядома, што ліцэнзій расійскіх кампаній на софт пасля 30 верасня не будзе працягваць Microsoft.