Аддзел навін ИТ-хандра 7 сакавіка 2023, 12:00

Google стане радзей раздаваць павышэнні на менеджарскія пазіцыі

Google папярэдзіла сваіх супрацоўнікаў, што сёлета менш чалавек змогуць разлічваць на прасоўванне па кар’ернай лесвіцы.

Ва ўчорашняй карпаратыўнай рассылцы, якая трапіла ў распараджэнне Insider, гаворыцца, што працэс будзе праходзіць пад кіраўніцтвам менеджараў і ў цэлым будзе такім жа, як раней.

Раней Google ужо замарудзіла найманне, а цяпер плануе менш павышаць да ўзроўню L6 і вышэйшага, ніж раней, калі перажывала бурны рост. На гэтым узроўні ў інжынераў з’яўляюцца лідарскія функцыі. Звычайна такіх супрацоўнікаў Google не наймае з боку і ў іх мусіць быць каля 10 гадоў стажу.

У кампаніі пацвердзілі, што павышэнняў сапраўды стане менш, але адзначылі, што ў супрацоўнікаў на ніжэйшых узроўнях іерархіі перспектывы кар’ернага росту не пацярпяць.

Гуглерам прыгатавацца? Больш за 10 тысяч супрацоўнікаў могуць трапіць у спіс «непрадукцыйных»

Летась Google увяла новую сістэму перфоманс-рэв’ю, вядомую як GRAD, у рамках якой супрацоўнікі атрымліваюць павышэнні. У адпаведнасці з ёй больш супрацоўнікаў будуць атрымліваць дрэнныя адзнакі і менш — добрыя.

Некалькі месяцаў таму Google скараціла 12 тысяч супрацоўнікаў. Некаторыя інвестары патрабуюць скараціць яшчэ.