Google вылецела з топ-10, Apple вярнулася ў топ-100: сотня найлепшых працадаўцаў ЗША паводле версіі Glassdoor 2024
Аналітыкі Glassdoor абнавілі штогадовы рэйтынг найлепшых кампаній для працы ў ЗША. Сёлета перамагла кансалтынгавая фірма Bain & Company, якая апошнія пяць гадоў не апускаецца ніжэй за 3 пазіцыю. Тым не менш у першай дзясятцы па-ранейшаму пераважаюць прадстаўнікі ІТ-сектара.
Топ-10 выглядае так:
- Bain & Company (кансалтынгавыя паслугі)
- Nvidia
- ServiceNow
- MathWorks
- Procore Technologies
- In-N-Out Burger (рэстаранны бізнэс)
- VMware
- Deltek
- 2020 Companies (рэкламныя паслугі)
- Fidelity Investments (фінансавыя паслугі)
З 5 месца на 2-е за паднялася Nvidia, якая была найлепшай у 2022 годзе. Google апусцілася з 8 радка на 26-ы. Microsoft упала з 13 месца на 18-е, і ў цэлым у топ-15 упершыню за апошнія пяць гадоў няма ніводнай бігтэх-кампаніі. Apple вярнулася ў топ-100 на 39 месца — яна стабільна прысутнічала ў спісе ад пачатку яго публікацыі ў 2009 годзе, але апынулася за бортам у мінулым годзе. Meta, якая была ў спісе ад 2011-га і тройчы займала першае месца, так і не вярнулася пасля леташняга «экзіту».
З поўным спісам топавых працадаўцаў Glassdoor можна азнаёміцца тут.
Читать на dev.by